ହାତୀପଲ୍ଲର ଉପଦ୍ରବରେ ବ୍ଯାପକ ଫସଲ ନଷ୍ଟ

ହାତୀପଲ୍ଲର ଉପଦ୍ରବରେ ବ୍ଯାପକ ଫସଲ ନଷ୍ଟ
ବୁଗୁଡ଼ା : ତା ୧୭/୦୮/୨୩ : କିଛି ଦିନର ନୀରବତା ପରେ ପୁଣି ମାତିଲେ ହାତୀ l ଗଞ୍ଜାମ ଜିଲ୍ଲା ଦକ୍ଷିଣ ଘୁମୁସର ବନଖଣ୍ତ ବୁଗୁଡା ବନାଞ୍ଚଳର ଭଗବାନପୁର ସେକ୍ସନ ନୁଆଁପଲ୍ଲୀ ବିଟ୍ ଅନ୍ତର୍ଗତ ସିଙ୍ଗିପୁର, ନୂଆପଲ୍ଲୀ, କିରିଆମ୍ବା ଓ ହୀରାପଲ୍ଲୀ ଗ୍ରାମରେ ଦୁଇଦିନ ହେଲା ବଣୁଆ ହାତୀଙ୍କ ଉପଦ୍ରଵରେ ଚାଷୀ ଆତଙ୍କିତ ହୋଇ ପଡିଛନ୍ତି l ଗତ ରାତ୍ରରେ ୮ ଟିକିଆ ହାତୀପଲଙ୍କ ଉପଦ୍ରବ ଯୋଗୁଁ ହୀରାପଲ୍ଲୀ ଗ୍ରାମର ସନ୍ତୋଷ ନାୟକଙ୍କ ମକା, ଧାନ ଓ ବହୁ ନଡ଼ିଆ ଗଛ ସମ୍ପୂର୍ଣ୍ଣ ଭାବେ କ୍ଷତି ହେବା ସହିତ ବିଭିନ୍ନ ପରିବା ଚାଷ ମଧ୍ୟ କ୍ଷତି ଘଟିଥିବା ଜଣା ପଡିଛି l ଏହି କ୍ଷୟକ୍ଷତିକୁ ନେଇ ଚାଷୀ ବୁଗୁଡ଼ା ବନାଞ୍ଚଳରେ ଅଭିଯୋଗ ପରେ ବନ କର୍ମଚାରୀମାନେ ପହଞ୍ଚି କ୍ଷୟକ୍ଷତିର ଆକଳନ କରିଛନ୍ତି । ଯଦିଓ ସରକାରୀ ସ୍ତରରେ କ୍ଷୟକ୍ଷତିର ଆକଳନ କରି କିଛି ସହାୟତା ଯୋଗାଇ ଦିଆଯାଉଛି ତାହା ଚାଷୀଙ୍କ ପରିଶ୍ରମର ତୁଳନାରେ କମ୍ ହେଉଛି l ଏହି ହାତୀପଲ୍ଲ ବାଲୁଗାଁ ରେଞ୍ଜରୁ ଦୁଇଦିନ ହେଲା ଆସିଛନ୍ତି ଏବଂ ସେମାନଙ୍କ ଗତିବିଧି ଉପରେ ନଜର ରଖାଯାଇଥିବା ନେଇ ବନାଞ୍ଚଳ ଅଧିକାରୀ ପ୍ରଦୀପ କୁମାର ମିଶ୍ରଙ୍କ ଠାରୁ ପ୍ରକାଶ ପାଇଛି l