ବାଇକ୍ ଧକ୍କାରେ ଯୁବକ ଗୁରୁତର

ବାଇକ୍ ଧକ୍କାରେ ଯୁବକ ଗୁରୁତର
ବୁଗୁଡ଼ା : ତା ୧୬/୦୮/୨୩ : ସ୍ଥାନୀୟ ଶକ୍ତିନଗରସ୍ଥିତ ବିଶ୍ବକର୍ମା ଗ୍ଯାରେଜ୍ ସମ୍ମୁଖରେ ଏକ ବାଇକ୍ ଧକ୍କାରେ ଜଣେ ଗୁରୁତର ହୋଇ ବ୍ରହ୍ମପୁରକୁ ସ୍ଥାନାନ୍ତର ହୋଇଥିବା ଜଣାଯାଇଛି । ଗୁରୁତର ଜଣକ ବୁଗୁଡ଼ା ଶକ୍ତିନଗର ବାସିନ୍ଦା ଯୋଗେନ୍ଦ୍ର ସାହୁ (୪୨) । ପ୍ରକାଶ ଯେ , ଆଜି ରାତି ପ୍ରାୟ ସାଢେ ଆଠଟା ବେଳେ ଯୋଗେନ୍ଦ୍ର ଚାଲି ଚାଲି ଘରକୁ ଫେରୁଥିବା ବେଳେ ଦ୍ରୁତଗତିରେ ଆସୁଥିବା ଏକ ବାଇକ୍ ତାଙ୍କୁ ପଛପଟୁ ଧକ୍କା ଦେଇଥିଲା । ଫଳରେ ସେ ଫୋପାଡି ହୋଇ ଖଣ୍ଡେ ଦୂରକୁ ଛିଟିକି ପଡିଥିଲେ । ଯୋଗେନ୍ଦ୍ରଙ୍କୁ ଆହତ ଅବସ୍ଥାରେ ସେଠାରୁ ଉଦ୍ଧାର କରି ବୁଗୁଡ଼ା ମେଡିକାଲକୁ ଆଣିଥିଲେ । ଦୁର୍ଘଟଣାରେ ତାଙ୍କ ଅଣ୍ଟାର ଡାହାଣ ପଟ ହାଡ ଭାଙ୍ଗି ଯାଇଥିଲା । ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁରକୁ ସ୍ଥାନାନ୍ତର କରାଯାଇଥିଲା । ଘଟଣା ସ୍ଥଳରେ ପୋଲିସ ପହଞ୍ଚି ବାଇକୁ ଜବତ କରିବା ସହ ତଦନ୍ତ କରୁଥିବା ଜଣାଯାଇଛି ।