ସମ୍ବଲପୁର ଜ଼ିଲ୍ଲା ରୁ ଓପିଏସ୍ସି ପରୀକ୍ଷାରେ ବିଶ୍ବକେଶନ, ରୋଶନୀ ଓ ନରହରି
ସମ୍ବଲପୁର,(ରାଜାରାମ ଷଡ଼ଙ୍ଗୀ):ଓଡ଼ିଶା ଲୋକସେବା ଆୟୋଗ (ଓପିଏସ୍ସି) ପରୀକ୍ଷାରେ ସମ୍ବଲପୁର ଜିଲ୍ଲାର ୩ ଜଣ ପ୍ରାର୍ଥୀ କୃତକାର୍ଯ୍ୟ ହୋଇଥିବା ଜଣାପଡ଼ିଛି। ନାକଟିଦେଉଳ ବ୍ଲକ୍ ସରାପାଲି ନିବାସୀ ସୁନୀଲ ପୁରୋହିତଙ୍କ ପୁଅ ବିଶ୍ବକେଶନ ପୁରୋହିତ ଏଥିରେ ୩୩୧ ସ୍ଥାନ ହାସଲ କରିଛନ୍ତି I ବିଶ୍ବକେଶନଙ୍କ ପିତା ସୁନୀଲ ଙ୍କ ଗାଁରେ ଏକ କିରାନା ଦୋକାନ ରହିଛି I ବିଶ୍ବକେଶନ ଦେବଗଡ଼ କଲେଜରୁ ଶିକ୍ଷା ସମାପ୍ତି ପରେ ରାଜଧାନୀ ଭୁବନେଶ୍ଵର ରେ ରହି ପରୀକ୍ଷା ପାଇଁ ପ୍ରସ୍ତୁତି କରୁଥିଲେ I ଠିକ ସେହିପରି କୁଲତା ସମାଜ ସମ୍ବଲପୁର ର ସଭାପତି ସ୍ଥାନୀୟ ସାକ୍ଷୀପଡା ନିବାସୀ କୃପାସିନ୍ଧୁ ଖମାରି ଏବଂ ତାଙ୍କ ପତ୍ନୀ ରଜନୀ ଖମାରୀଙ୍କ ଝିଅ ରୋଶନୀ ରାଣୀ ଖମାରୀ ଏହି ପରୀକ୍ଷାରେ ୩୫୨ତମ ସ୍ଥାନ ହାସଲ କରିଛନ୍ତି I ରୋଶନୀ ଘରେ ରହି ଅନ୍ଲାଇନ୍ରେ ପରୀକ୍ଷା ପାଇଁ ପ୍ରସ୍ତୁତି କରୁଥିଲେ I ତେବେ, ସାକ୍ଷାତକାର ପରୀକ୍ଷା ପ୍ରସ୍ତୁତି ସମୟରେ ଭାରତୀୟ ପ୍ରଶାସନିକ ସେବା ଏବଂ ଓଡ଼ିଶା ପ୍ରଶାସନିକ ସେବାରେ ଥିବା କେତେକ ଅଧିକାରୀଙ୍କ ସହିତ ଯୋଗାଯୋଗ କରିଥିବା ପ୍ରକାଶ କରିଛନ୍ତି I ସମ୍ବଲପୁର ଜିଲ୍ଲା ନାକଟିଦେଉଳ ବ୍ଳକର ଆଉ ଜଣେ ପ୍ରାର୍ଥୀ ନରହରି ବେହେରା ମଧ୍ୟ ଏହି ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି I ବାୟୁସେନାରେ ପୂର୍ବରୁ କାର୍ଯ୍ୟରତ ନରହରି ଓପିଏସ୍ସି ପରୀକ୍ଷାରେ ୫୬୮ ତମ ସ୍ଥାନ ଅଧିକାର କରିଛନ୍ତି । ନରହରି ଙ୍କ ଘର ସାହେବୀ ପଞ୍ଚାୟତ ଅନ୍ତର୍ଗତ ଟାଙ୍ଗିଆନିଶା ଗାଁରେ ବୋଲି ଜଣାଯାଇଛି।
