ରାଜ୍ୟ ସ୍ତରୀୟ ଟେନିସ ଟୁର୍ନାମେଣ୍ଟରେ ଗଞ୍ଜାମ ତହସିଲଦାରଙ୍କୁ ସଫଳତା, ପଞ୍ଜାବକୁ ହରାଇ କ୍ଵାଟର ଫାଇନାଲରେ ତହସିଲଦାର ଅରୁଣ ନାୟକ

ରାଜ୍ୟ ସ୍ତରୀୟ ଟେନିସ ଟୁର୍ନାମେଣ୍ଟରେ ଗଞ୍ଜାମ ତହସିଲଦାରଙ୍କୁ ସଫଳତା, ପଞ୍ଜାବକୁ ହରାଇ କ୍ଵାଟର ଫାଇନାଲରେ ତହସିଲଦାର ଅରୁଣ ନାୟକ
====================

ଗଞ୍ଜାମ =ପ୍ରଦୀପ କୁମାର ପଣ୍ଡା

ଗଞ୍ଜାମ ତହସିଲଦାର ଅରୁଣ କୁମାର ନାୟକ ସର୍ବ ଭାରତ ସ୍ତରରେ ସିଭିଲ ସର୍ଭିସ ରାଜ୍ୟ ସ୍ତରୀୟ ଟେନିସ ଟୁର୍ନାମେଣ୍ଟରେ ଖେଳି ଜିଲ୍ଲା ଓ ରାଜ୍ୟ ପାଇଁ ଗୌରବ ଆଣିଛନ୍ତି l ଶନିବାର ଖେଳାଯାଇଥିବା ଏହି ଟୁର୍ନାମେଣ୍ଟରେ ପଞ୍ଜାବକୁ ହରାଇ କ୍ଵାଟର ଫାଇନାଲକୁ ଉର୍ନ୍ନତି ହୋଇଥିବା ଜଣାପଡିଛି l ଆଜିର ମ୍ୟାଚ ରାଜସ୍ତାନର ଉଦୟପୁର ଠାରେ ମ୍ୟାଚ ଅନୁଷ୍ଠିତ ହୋଇଥିଲା l ତହସିଲଦାରଙ୍କ ଏହି ସଫଳତା ନିମନ୍ତେ ସରକାରୀ ବେସରକାରୀ କାର୍ଯ୍ୟାଳୟ ତଥା ବିଭିନ୍ନ ସଂଗଠନ ପକ୍ଷରୁ ଶୁଭେଚ୍ଛାର ସୁଅ ଛୁଟିଛି l ପ୍ରକାଶ ଯୋଗ୍ୟ ତହସିଲଦାର ଅରୁଣ ନାୟକ ଜଣେ ଭଲ କ୍ରୀକେଟିୟର ବୋଲି ସ୍ଥାନୀୟ ଅଂଚଳରେ ବେଶ ଜଣା ଶୁଣା ଥିବା ବେଳେ ଟେନିସରେ ମଧ୍ୟ ତାଙ୍କର ପାରଦର୍ଶିତା ଥିବା ସହରରେ ଆଲୋଚନାର ବିଷୟ ପାଲଟିଛି l ଗତ ଅଗଷ୍ଟ 15 ସ୍ୱାଧୀନତା ଦିବସ ଅବସରରେ ଛତ୍ରପୁର ଠାରେ ପ୍ରେସ ଏକାଦଶ ସହ ପ୍ରଶାସନ ଏକାଦଶ ମଧ୍ୟରେ ଅନୁଷ୍ଠିତ ଫ୍ରେଣ୍ଡସ କ୍ରିକେଟ ଟୁର୍ନାମେଣ୍ଟରେ ତହସିଲଦାର ନାୟକଙ୍କ ପାଇଁ ଦୁଇ ଥର ଚମ୍ପିୟାନ ହୋଇଥିଲା ପ୍ରଶାସନ ଏକାଦଶ l ସେହିପରି ଭାରତୀ ବିଦ୍ୟାପୀଠ ମିନି ଷ୍ଟାଡିୟମରେ ଗଞ୍ଜାମ ପ୍ରେସକ୍ଳବ ସହ ଗଞ୍ଜାମ ତହସିଲ ମଧ୍ୟରେ ଅନୁଷ୍ଠିତ କ୍ରିକେଟ ଫାଇନାଲ ମ୍ୟାଚରେ ତହସିଲଦାର ନାୟକ ଅତି ଚମତ୍କାର ଖେଳ ଦେଖାଇବା ସହ ଅଳ୍ପକେ ଚମ୍ପିୟାନ ହେବାରୁ ବଞ୍ଚିତ ହୋଇଥିଲା ତହସିଲ ଏକାଦଶ l ତହସିଲଦାରଙ୍କ ଏହି ସଫଳତା ନିମନ୍ତେ ତହସିଲଦାରଙ୍କୁ ଶୁଭେଚ୍ଛା ଜଣାଇଛି ଗଞ୍ଜାମ ପ୍ରେସ କ୍ଳବ l