ଉତ୍କଳ ଖଡୁରା ସମାଜର ବୈଠକ ଓ କର୍ମକର୍ତ୍ତା ଚୟନ

ଉତ୍କଳ ଖଡୁରା ସମାଜର ବୈଠକ ଓ କର୍ମକର୍ତ୍ତା ଚୟନ
ବୁଗୁଡ଼ା :୧୭/୦୮/୨୩ : ସ୍ଥାନୀୟ କୁବେରେଶ୍ୱର ମନ୍ଦିର ପରିସରରେ ଉତ୍କଳ ଖଡୁରା ସମାଜର ଜାତିର ଏକତା ଓ ମାନବୃଦ୍ଧି ପାଇଁ ଏକ ପେଣ୍ଠ ଗଠନ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଟିତ ହୋଇଯାଇଛି। ଉକ୍ତ ବୈଠକରେ ବୁଗୁଡ଼ା ଓ ବାଲିପଦର ଖଡୁରା ସମାଜର ସଦସ୍ୟମାନେ ଉପସ୍ଥିତ ରହିଥିଲା ବେଳେ ଅତିଥି ଭାବେ ସମାଜର ରାଜ୍ୟ ସମ୍ପାଦକ ଦେବରାଜ ନାୟକ, ରାଜ୍ୟ କମିଟି ସଦସ୍ୟ ଲିଙ୍ଗରାଜ ନାୟକ ଓ ଯୋଗେନ୍ଦ୍ର ସେନାପତି ଯୋଗ ଦେଇଥିଲେ। ଆଗାମୀ ଦିନରେ ଖଡୁରା ସମାଜକୁ କିପରି ସୁଦୃଢ କରିପାରିବା ସେଥି ପାଇଁ ୪୦ ବର୍ଷ ପରେ ପୁଣି ଥରେ ସମାଜ ପକ୍ଷରୁ ବହୁ ପଦକ୍ଷେପ ନିଆଯାଇଥିବା କଥା ଅତିଥିମାନେ ଅଭିଭାଷଣରେ କହିଥିଲେ। ଏହି ସଭାରେ ବୁଗୁଡ଼ା ଓ ବାଲିପଦରର ମିଳିତ ଭାବେ ଏକ କମିଟି ଗଠନ କରାଯାଇଥିଲା । ଏଥିରେ ଅମରେନ୍ଦ୍ର ସେନାପତି-ସଭାପତି , ତ୍ରିନାଥ ସୁବୁଦ୍ଧି-ଉପସଭାପତି ,ସନ୍ୟାସୀ ନାୟକ-ସମ୍ପାଦକ ,ମୁନା ସୁବୁଦ୍ଧି – ସହସମ୍ପାଦକ ଦେବରାଜ ସାହୁ-କୋଷାଧକ୍ଷ , ନାରାୟଣ ନାୟକ- ଉପଦେଷ୍ଟା ,ଉମା ଶଙ୍କର ନାୟକ – ସହ ଉପଦେଷ୍ଟା ଭାବେ ନବ ଗଠିତ କମିଟିରେ ସ୍ଥାନ ପାଇଥିଲା ବେଳେ ପାଞ୍ଚ ଜଣଙ୍କୁ କାର୍ଯ୍ୟକାରୀ ସଦସ୍ୟ ଭାବେ ଗ୍ରହଣ କରାଯାଇଥିଲା ।