ପିପୁଲ୍ସ କଲେଜରେ ଜଳବାୟୁ ପରିବର୍ତ୍ତନ ସମ୍ପର୍କିତ ଆଲୋଚନା ଚକ୍ର

ପିପୁଲ୍ସ କଲେଜରେ ଜଳବାୟୁ ପରିବର୍ତ୍ତନ ସମ୍ପର୍କିତ ଆଲୋଚନା ଚକ୍ର
ବୁଗୁଡ଼ା : ତା ୧୨/୦୮/୨୩ : ସ୍ଥାନୀୟ ପିପୁଲ୍ସ କଲେଜ ପରିସରସ୍ଥ ସମ୍ମିଳନୀ କକ୍ଷରେ ସାତ୍ତ୍ବିକ୍ ସାଉଲ୍ ଫାଉଣ୍ଡେସନ ପକ୍ଷରୁ ଜଳବାୟୁ ପରିବର୍ତ୍ତନ ସମ୍ପର୍କିତ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି ।ଉକ୍ତ କାର୍ଯ୍ୟକ୍ରମରେ କଲେଜ ଅଧ୍ୟକ୍ଷ ହରିକୃଷ୍ଣ ନାୟକ , ଅଧ୍ୟାପକ ପ୍ରଦୀପ କୁମାର ଦାଶ ଓ ଆତ୍ମପ୍ରକାଶ ନାୟକ ଯୋଗ ଦେଇ ଜାଗତିକ ଉଷ୍ମତା ବୃଦ୍ଧି ଓ ଓଜୋନ୍ ସ୍ତର ହ୍ରାସ ଆଦି ଜଳବାୟୁ ପରିବର୍ତ୍ତନର ଦୁଇଟି ଦିଗ ଉପରେ ଆଲୋକପାତ କରିଥିଲେ । ଆୟୋଜକ ସଂସ୍ଥାର ଇପ୍ସିତା ଦାଶ ଓ ବିନାୟକ ପାଢୀ ଜଳବାୟୁ ପରିବର୍ତ୍ତନର କାରଣରୁ ସୃଷ୍ଟ ବିଭିନ୍ନ ସମସ୍ୟା ଓ ବିପର୍ଯ୍ୟୟର ଆଶଙ୍କା ସମ୍ପର୍କେ ଅବଗତ କରାଇ ଜଙ୍ଗଲ ଓ ପରିବେଶ ସୁରକ୍ଷା ପ୍ରତି ମାନବଜାତି ସଚେତନ ରହିବା ସହ ଆବଶ୍ୟକୀୟ ସଂକଳ୍ପବଦ୍ଧ ମୂଳକ ପଦକ୍ଷେପ ଗ୍ରହଣ କରିବା ଜରୁରୀ ବୋଲି ମତବ୍ୟକ୍ତ କରିଥିଲେ । ଏ ଅବସରରେ କଲେଜର ଛାତ୍ରଛାତ୍ରୀଙ୍କ ମଧ୍ୟରେ ଜଳବାୟୁ ପରିବର୍ତ୍ତନ ବିଷୟରେ କୁଇଜ୍ ପ୍ରତିଯୋଗିତା ଆୟୋଜିତ କରି କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା ।