ବୁଗୁଡ଼ାରେ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ
ବୁଗୁଡା : ତା ୧୦/୦୯/୨୪ : ସ୍ଥାନୀୟ ପ୍ରାଣୀଧନ ଚିକିତ୍ସାଳୟ ପରିସରସ୍ଥ ବ୍ଲକ୍ ମିଶନ୍ ଶକ୍ତି ଭବନରେ ସ୍ବର୍ଗତ ସମାଜସେବୀ ମନୋଜ କୁମାର ଚୌଧୁରୀଙ୍କ ସ୍ମୃତିରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଚଡ଼ିଏଫସି ବ୍ଯାଙ୍କ ସହଯୋଗରେ ରୀନା ଚୌଧୁରୀଙ୍କ ଦ୍ୱାରା ଆୟୋଜିତ ଉକ୍ତ ଶିବିର ଅବସରରେ ୬୦ ଜଣ ବ୍ଯକ୍ତି ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ । ଭଞ୍ଜନଗର ବ୍ଲଡ ବ୍ଯାଙ୍କ ପକ୍ଷରୁ ବିପିନ ବିହାରୀ ପାଣିଗ୍ରାହୀଙ୍କ ନେତୃତ୍ୱରେ ଏକ ଟିମ୍ ଉକ୍ତ ଶିବିରରେ ପହଞ୍ଚି ସ୍ବେଚ୍ଛାକୃତ ରକ୍ତଦାତାଙ୍କଠାରୁ ରକ୍ତ ସଂଗ୍ରହ କରିଥିଲେ । ଏହି ଶିବିର ପରିଚାଳନାରେ ଟି.ସୁଦର୍ଶନ ପାତ୍ର, ଏଚଡ଼ିଏଫସି ବ୍ଯାଙ୍କ ଅପରେସନ ମ୍ଯାନେଜର ସୁଶାନ୍ତ ପଟ୍ଟନାୟକ, ବ୍ଲକ ମିଶନ ଶକ୍ତି ସଭାନେତ୍ରୀ ନିଳାଦ୍ରୀ ମହାପାତ୍ର ପ୍ରମୁଖ ସକ୍ରିୟ ସହଯୋଗ କରିଥିଲେ ।
