ପୁରୀ ଜିଲ୍ଲା ଟାଏକୋଣ୍ଡୋ ଚାମ୍ପିଅନସିପ୍ ରେ ଦି ସ୍କୁଲ ଅଫ୍ ଟାଏକୋଣ୍ଡୋ ୨ୟ ଉପବିଜେତ ।

ଚଳିତ ଅପ୍ରେଲ ମାସ ୨୫ ଓ ୨୬ ତାରିଖ ଦିନ ପୁରୀ ମହାନଗର ନିଗମର ମୋଚିସାହି ସ୍ଥିତ କଲ୍ୟାଣ ମଣ୍ଡପ ଠାରେ ଟାଏକୋଣ୍ଡୋ ଆସୋସିଏସନ୍ ଅଫ୍ ଓ ଦି ସ୍କୁଲ ଅଫ୍ ଟାଏକୋଣ୍ଡୋ, ପୁରୀ ଏକାଡେମୀ ମିଳିତ ଆନୁକୂଲ୍ୟରେ ୧୯ତମ କିରୋଗି ଓ ୧୧ତମ ପୁମସି ପୁରୀ ଜିଲ୍ଲା ଟାଏକୋଣ୍ଡୋ ଚାମ୍ପିଅନସିପ୍ ସଫଳତାର ସହ ଅନୁଷ୍ଠିତ ହୋଇଯାଇଛ, ଯାହା ଜିଲ୍ଲା ସାରା ଯୁବକମାନଙ୍କ ମଧ୍ୟରେ ମାର୍ଶାଲ ଆର୍ଟ ପ୍ରତିଭା ଏବଂ ଶୃଙ୍ଖଳାର ଏକ ପ୍ରଭାବଶାଳୀ ପ୍ରଦର୍ଶନ ପ୍ରଦର୍ଶନ କରିଥିଲା।

ଏହି କାର୍ଯ୍ୟକ୍ରମରେ ଦି ସ୍କୁଲ ଅଫ୍ ଟାଏକୋଣ୍ଡୋ, ପୁରୀର ୪୦ ରୁ ଅଧିକ ବାଳକ ଓ ବାଳିକା ପ୍ରତିଯୋଗୀ ସୁପର ସବଜୁନିଅର, ସବ୍ ଜୁନିଅର, କ୍ୟାଡେଟ୍, ଜୁନିଅର ଏବଂ ସିନିଅର କାଟେଗୋରୀ ରେ  ଅଂଶଗ୍ରହଣ କରିଥିଲେ ।  ସେମାନଙ୍କର ଦକ୍ଷତା, ଶୃଙ୍ଖଳା ଏବଂ କ୍ରୀଡାପ୍ରେମ ଏହି ଅଞ୍ଚଳରେ ଟାଏକୋଣ୍ଡୋର ବୃଦ୍ଧି ପାଉଥିବା ଲୋକପ୍ରିୟତା ଏବଂ ଶକ୍ତିକୁ ପ୍ରଦର୍ଶିତ କରି  ମୁଖ୍ୟ ପ୍ରଶିକ୍ଷକ ଅଭିଜିତ୍ ସାହୁଙ୍କ ତ୍ତ୍ୱାବଧାନରେ ୨୦ଟି ସ୍ୱର୍ଣ୍ଣ,୧୪ ଟି ରୋପ୍ୟ ଓ ୩୦ଟି କାଂସ୍ୟ ପଦକ ହାସଲ କରିବା ସହ ଦି ସ୍କୁଲ ଅଫ୍ ଟାଏକୋଣ୍ଡୋ ୨ୟ ଉପବିଯେତା ମଧ୍ୟ ହେଇଛନ୍ତି।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ରାଜ୍ୟ ସଭା ସାଂସଦ ଶୁଭାଶିଷ ଖୁଣ୍ଟିଆ ଯୋଗଦେଇଥିଲେ । ତାଙ୍କ ଅଭିଭାଷଣରେ ସେ ସମଗ୍ର ଜିଲ୍ଲାରେ ତାଇକୋଣ୍ଡୋକୁ ପ୍ରୋତ୍ସାହିତ କରିବାର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ ଏବଂ ଯୁବ ଖେଳାଳିମାନଙ୍କୁ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ଉତ୍କର୍ଷ ହାସଲ କରିବାକୁ ଉତ୍ସାହିତ କରିଥିଲେ।

ପରି ଶେଷରେ ଟାଏକୋଣ୍ଡୋ ଆସୋସିଏସନ୍ ଅଫ୍ ପୁରୀ ର ସମ୍ପାଦକ ମନମୋହନ ଭଞ୍ଜ, ସଭାପତି ଅଜୟ କୁମାର ସାହୁ, ଦି ସ୍କୁଲ ଅଫ୍ ଟାଏକୋଣ୍ଡୋର କୋଷାଧକ୍ଷ ମିତା ସାହୁ, କୋଚ୍ ଦେବାଶିଷ ସାହୁ ଏବଂ ସମସ୍ତ ଅଭିଭାବକ ଖେଳାଳି ମାନଙ୍କର ଉତରତର ଉନ୍ନତ୍ତି ନିମନ୍ତେ ପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛନ୍ତି।

ପୁରୀରୁ ରମେଶ ସାହୁଙ୍କ ରିପୋର୍ଟ