ଠାକୁର କାର୍ତ୍ତିକେଶ୍ବରଙ୍କ ପୂଜା ଉତ୍ସବ ଆରମ୍ଭ
ବୁଗୁଡା : ତା ୧୨/୧୧/୨୪ : : ସ୍ଥାନୀୟ ବଡଦାଣ୍ଡଠାରେ ବିରଞ୍ଚି ନାରାୟଣ ପୂଜା କମିଟି ପକ୍ଷରୁ ଠାକୁର କାର୍ତ୍ତିକେଶ୍ବରଙ୍କ ପୂଜା ମହାସମାରୋହରେ ଆରମ୍ଭ ହୋଇଯାଇଛି । ଉକ୍ତ ଉତ୍ସବରେ ପୁରୋହିତ ଭାବେ ଦୀପକ କୁମାର ଦାଶ ଓ ପଦ୍ମଲୋଚନ ମିଶ୍ର ଯୋଗ ଦେଇ ଯଥା ରୀତିନୀତି ପ୍ରକାରେ ପୂଜାପାଠ ସମ୍ପାଦନ କରିଥିବା ବେଳେ କର୍ତ୍ତା ଭାବେ ମନୋଜ କୁମାର ସ୍ବାଇଁ ଦାୟିତ୍ୱ ନିର୍ବାହ କରିଥିଲେ । ସେହିପରି ଗୋପୀନାଥ ଯୁବକ ସଂଘ ପକ୍ଷରୁ ଗୋପୀନାଥ ମନ୍ଦିର ପରିସରରେ ମଧ୍ୟ ଠାକୁର କାର୍ତ୍ତିକେୟଙ୍କ ପୂଜା ଉତ୍ସବ ଆଡମ୍ବର ସହକାରେ ଅନୁଷ୍ଠିତ ହୋଇଯାଇଛି । ଏଥିରେ ପୁରୋହିତ ଭାବେ ଚିତ୍ତରଞ୍ଜନ ଦାଶ , ଷଷ୍ଠୀ ପ୍ରସାଦ ହୋତା ଓ ପ୍ରଶାନ୍ତ ମିଶ୍ର ଦେଇ ଯଥା ବିଧି ପ୍ରକାରେ ଠାକୁରଙ୍କ ପୂଜାପାଠ ସମ୍ପାଦନ କରିଥିବା ବେଳେ ମାଗି ନାୟକ କର୍ତ୍ତା ଦାୟିତ୍ବ ନିର୍ବାହ କରିଥିଲେ । ରଙ୍ଗିନ ଆଲୋକ ମାଳାରେ ସୁସଜ୍ଜିତ ଆକର୍ଷଣୀୟ ମେଢ ଦ୍ବୟକୁ ଦେଖିବାକୁ ଆଖପାଖ ଅଞ୍ଚଳର ବହୁ ଲୋକଙ୍କ ସମାବେଶ ଘଟୁଥିବା ବେଳେ ଠାକୁରଙ୍କ ସନ୍ଧ୍ୟା ଆଳତି ସମୟରେ ଶ୍ରଦ୍ଧାଳୁଙ୍କ ଭିଡ ଜମୁଥିବା ଦେଖିବାକୁ ମିଳିଛି।.
