ବାଣପୁର ବାଲୁଗାଁ ରୋଟାରୀ କ୍ଳବର ପ୍ରତିଷ୍ଠା ଦିବସ ପାଳନ
ବାଲୁଗାଁ ତା ୨୭।୧୦ ବାଣପୁର ବାଲୁଗାଁ ରୋଟାରୀ କ୍ଳବ ତା’ର ପ୍ରତିଷ୍ଠା ଦିବସ ପାଳନ କରିଛି । ୧୯୮୮ ମସିହା ଅକ୍ଟୋବର ୨୭ ତାରିଖରେ ରୋଟାରୀ ଇଣ୍ଟରନ୍ଯାସନାଲର ସ୍ବୀକୃତି ଲାଭ କରିଥିଲା। ଉକ୍ତ ଦିବସଟିକୁ କ୍ଳବ ତା’ର ପ୍ରତିଷ୍ଠା ଦିବସ ଭାବେ ବିଗତ ୩୭ ବର୍ଷ ଧରି ପାଳନ କରିଆସୁଅଛି । ଏହି ଅବସରରେ ଟାଙ୍ଗୀ ସ୍ଥିତ ଏକ ଜରା ନିବାସରେ ଥିବା ଅନ୍ତେବାସିନୀ ମାନଙ୍କୁ କମ୍ବଳ, ଫଳ ଓ ବିସ୍କୁଟ ଇତ୍ଯାଦି ବଣ୍ଟନ କରିବା ସହିତ ସଦସ୍ଯ ମାନେ ସପରିବାର ରଣପୁରସ୍ଥିତ କୋଟଗଡ ପାର୍କରେ ସାରାଦିନ ପରିବାର ସଦସ୍ଯ ମାନଙ୍କ ମଧ୍ଯରେ ବିଭିନ୍ନ ପ୍ରକାର ଖେଳ,ନାଚ ଓ ଗୀତ ଇତ୍ଯାଦି କରି ଉତ୍ସବକୁ ପାଳନ କରିଥିଲେ । ପ୍ରାକ୍ତନ ସଭାପତି ଧୀରେନ୍ଦ୍ରନାଥ ପାତ୍ର କବିତା ମାଧ୍ଯମରେ କ୍ଳବର ପ୍ରତିଷ୍ଠାତା ସଭାପତି ଏସ ଏସ ଶତୃଶଲ୍ଯ ଓ ସଂପାଦକ ଗୌରୀଶଂକର ରାମଙ୍କ ଠାରୁ ଆରମ୍ଭ କରି ଚଳିତ ବର୍ଷର ସଭାପତି ଶ୍ଯମସୁନ୍ଦର ପୃଷ୍ଟି ଓ ସଂପାଦକ ଅଶୋକ କୁମାର ନାୟକଙ୍କ ଦ୍ବାରା ସମାଜରେ ସାଧାରଣ ଲୋକମାନଙ୍କ ପାଇଁ କରାଯାଉଥିବା ବିଭିନ୍ନ କାର୍ଯ୍ଯକ୍ରମ ସମ୍ବନ୍ଧରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ । ସଦସ୍ଯ ହିମାଂଶୁ କୁମାର ପାତ୍ର, ସୂର୍ଯ୍ଯନାରାୟଣ ସେନାପତି ଓ ସୁନୀଲ କୁମାର ପାତ୍ର ସମସ୍ତ କାର୍ଯ୍ଯକ୍ରମ ପରିଚାଳନା କରିଥିଲେ ।
