ଉମରକୋଟ ଅନ୍ତର୍ଗତ ସେମାନେ ଠାରେ ବଜ୍ରପାତରେ ଯୁବତୀ ମୃତ…….
ଉମରକୋଟ (ଏମ୍.ଦିନା°ଶୁ ଆଚାରୀ):-ବଜ୍ରପାତ ଘଟି ଜଣେ ଯୁବତୀ ମୃତ୍ୟୁ ବରଣ କରିଛନ୍ତି। ଜଣେ ବୃଦ୍ଧା ଗୁରୁତର ହୋଇଛନ୍ତି।ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅଧୀନରେ ।ମୂତ ଯୁବତୀ ଜଣକ ହେଲେ ଉମରକୋଟ ବ୍ଲକ ର ସେମଳା ପଞ୍ଚାୟତ ବଡ ବାସିନି ଗ୍ରାମର କୁନ୍ତି ଗୈାଡ (ହରିଜନ)(୨୩)। ବୃଦ୍ଧା ଜଣକ ହେଲେ କୁନ୍ତି ଙ୍କ ଶାଶୁ ମୋତି ହରିଜନ (୬୨)।ମିଳିଥିବା ସୂଚନା ଅନୁସାରେ କୁନ୍ତି ଓ ମୋତି ଦୁହେଁ ସକାଳ ୧୧ ଘଣ୍ଟା ସମୟରେ ନିଜ ଧାନ ଜମିରେ ଘାସ ବାଛୁଥିଲେ। ଏହି ସମୟରେ ହଠାତ୍ ବଜ୍ରପାତ ହୋଇଥିଲା। ବଜ୍ରପାତ ଫଳରେ ଘଟଣାସ୍ଥଳରେ କୁନ୍ତି ଙ୍କ ମୃତ୍ୟୁ ଘଟିଥିଲା।ପାଖ ଜମିରେ କାମ କରୁଥିବା ଅନ୍ୟ ଲୋକ ମାନେ ଏହା ଦେଖି ଦୈାଡି ଆସି ଗୁରୁତର ଅବସ୍ଥାରେ ମୋତି ଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଉମରକୋଟ ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ର କୁ ପଠାଇ ଥିଲେ। ଏନେଇ ପରିବାର ଲୋକଙ୍କ ପକ୍ଷରୁ ଉମରକୋଟ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ପାଇଁ ସ୍ଥାନୀୟ ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ।ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି।
