ମିଶନ ଶକ୍ତି ସୁଧ ଫେରସ୍ତ ମେଳା…

ବୁଗୁଡ଼ା :  ପ୍ରସିଦ୍ଧ ପର୍ଯ୍ୟଟନ ସ୍ଥଳୀ ବୁଦ୍ଧଖୋଲ ପାଦଦେଶସ୍ଥ ମହୋତ୍ସବ ପଡିଆରେ ମିଶନ ଶକ୍ତି ସୁଧ ଫେରସ୍ତ ମେଳା ଅନୁଷ୍ଠିତ ହୋଇଯାଇଛି । ବିଡିଓ ସନ୍ତୋଷ କୁମାର ଜେନାଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ପୋଲସରା ବିଧାୟକ ଶ୍ରୀକାନ୍ତ ସାହୁ , ବ୍ଲକ ଅଧ୍ୟକ୍ଷା କେ.ପ୍ରିୟଦର୍ଶିନୀ ଆଚାରୀ ଓ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ , ସିଡିପିଓ ବବିତା କୁମାରୀ ପଣ୍ଡା ଯୋଗ ଦେଇ ମହିଳା ସଶକ୍ତିକରଣରେ ସରକାରଙ୍କ ମିଶନ ଶକ୍ତିର ଭୂମିକା ସମ୍ପର୍କେ ଆଲୋକପାତ କରିଥିଲେ । ଏ ଅବସରରେ ବୁଗୁଡା ବ୍ଲକ ଓ ଏନ୍ଏସି ଅନ୍ତର୍ଗତ ୬୨୮ଟି ଗ୍ରୁପର ବ୍ଯାଙ୍କ ଆକାଉଣ୍ଟ୍ ଗୁଡିକୁ ପୃଥକ୍ ଭାବେ ପ୍ରାପ୍ଯ ସୁଧ ବାବଦକୁ ମୋଟ ୩୧ ଲକ୍ଷ ୫୫ ହଜାର ୯୨୮ ଟଙ୍କା ଫେରସ୍ତ କରାଯାଇଥିଲା । ବ୍ଲକ ପ୍ରଶାସନ ପକ୍ଷରୁ ଆୟୋଜିତ ଉକ୍ତ କାର୍ଯ୍ୟକ୍ରମରେ ବୁଗୁଡା ଅଞ୍ଚଳର ସମସ୍ତ ବ୍ଯାଙ୍କର ଶାଖା ପରିଚାଳକମାନଙ୍କ ସମେତ ଏମବିକେ , ସିଆରପି ଏବଂ ମିଶନ ଶକ୍ତିର ମହିଳାମାନେ ଉପସ୍ଥିତ ରହିଥିଲେ । ଜିପିଇଓ ମନୋଜ କୁମାର ସାହୁଙ୍କ ତତ୍ତ୍ୱାବଧାନରେ ଆୟୋଜିତ ଉକ୍ତ ମେଳାକୁ ବିପିଏମ୍ ସଞ୍ଜୁ ସାହୁ ଓ ବିପିସି ସନୋଜ କୁମାର ଜେନା ପରିଚାଳନା କରିଥିଲେ ।