ଭଞ୍ଜ ଜୟନ୍ତୀ ଓ ଭଞ୍ଜ ସାହିତ୍ୟ ଆଲୋଚନା ଚକ୍ର…

                                                                                                                                                                                              ବୁଗୁଡ଼ା : ତା ୧୪/୦୨/୨୪ : କବି ସମ୍ରାଟ ଉପେନ୍ଦ୍ର ଭଞ୍ଜ ସ୍ମୃତି ସଂସଦ ପକ୍ଷରୁ ଖୋଳଖାଳି ଗ୍ରାମସ୍ଥ ସ୍ବକାର୍ଯ୍ୟାଳୟ ପରିସରରେ ଭଞ୍ଜ ଜୟନ୍ତୀ ଓ ଭଞ୍ଜ ସାହିତ୍ୟ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ସଂସଦର ସମ୍ପାଦକ କାମରାଜୁ ସାହାଣୀଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମକୁ ସାହିତ୍ଯିକ ଅନନ୍ତ କର ଉଦଘାଟନ କରିଥିବା ବେଳେ ଏଥିରେ ଅଧ୍ଯାପକ ଲୋକନାଥ ମହାନ୍ତି , ଡଃ. ଗୁରୁମୂର୍ତ୍ତି ନାୟକ , ଡଃ. ବ୍ରଜ କିଶୋର ପାଢ଼ୀ , ଅଶୋକ କୁମାର ସ୍ବାଇଁ , ଶିକ୍ଷାବିତ୍ ରଘୁନାଥ ସାହୁ ପ୍ରମୁଖ ଯୋଗଦେଇ ଭଞ୍ଜ ସାହିତ୍ୟ ସମ୍ପର୍କରେ ସାରଗର୍ଭକ ଆଲୋଚନା କରିଥିଲେ । ଏଥି ସହ ସଙ୍ଗୀତ ବିଶାରଦ ସୁରେନ୍ଦ୍ର ନାଥ ଦାସ , କାଳୁ ଚରଣ ଘଡେଇ , ବିପ୍ର ଚରଣ ସ୍ବାଇଁ ପ୍ରମୁଖ ଭଞ୍ଜ ସଙ୍ଗୀତ ପରିବେଷଣ କରିଥିଲା ବେଳେ ମଧୁ ମଙ୍ଗଳ ମହାରଣା ଓ ଧୋବା ଗୌଡ ବାଦ୍ଯଯନ୍ତ୍ର ଚାଳନା କରିଥିଲେ । ଅନ୍ଯମାନଙ୍କ ମଧ୍ୟରେ ନିରଞ୍ଜନ ପ୍ରଧାନ , ଗନ୍ଧର୍ବ ଗୌଡ , ମହେଶ୍ୱର ସ୍ବାଇଁ , ଭଗବାନ ଗୌଡ଼ , ବୃନ୍ଦାବନ ସ୍ବାଇଁ ପ୍ରମୁଖ ଏଥିରେ ଯୋଗ ଦେଇ ଆଲୋଚନାରେ ସକ୍ରିୟ ଅଂଶ ଗ୍ରହଣ କରିଥିଲେ ।