ସର୍ଦ୍ଦାର ଅନ୍ତର୍ଯ୍ୟାମୀ ବିଦ୍ୟାପୀଠ ସ୍ମୃତି ସମାରୋହ….

ବୁଗୁଡ଼ା : ବୁଗୁଡ଼ା ବ୍ଲକର ବି.କରଡ଼ାବାଡ଼ି ଗ୍ରାମସ୍ଥିତ ସର୍ଦ୍ଦାର ଅନ୍ତର୍ଯ୍ୟାମୀ ବିଦ୍ୟାପୀଠ ପରିସରରେ ପ୍ରାକ୍ତନ ଛାତ୍ରଛାତ୍ରୀଙ୍କୁ ନେଇ ଏକ ସ୍ମୃତି ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଦ୍ଯାପୀଠର ପ୍ରାକ୍ତନ ଛାତ୍ର ତଥା ପିପୁଲ୍ସ କଲେଜ ଅଧ୍ୟକ୍ଷ ହରିକୃଷ୍ଣ ନାୟକଙ୍କ ସଭାପତିତ୍ବରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମ ଅବସରରେ ପ୍ରାକ୍ତନ ଶିକ୍ଷକ ବିଜୟ କୁମାର ସାହୁ , ଗୋପାଳ ଚନ୍ଦ୍ର ନାୟକ , ବଳରାମ ପଣ୍ଡା , ବଂଶୀଧର ନାୟକଙ୍କ ସମେତ ବିକ୍ରମାଦିତ୍ୟ ଆରୁଖ , ବିନାୟକ ପ୍ରଧାନ, କାର୍ଯ୍ୟରତ ପ୍ରଧାନ ଶିକ୍ଷକ ପ୍ରକାଶ ନାୟକ ଓ ପ୍ରାକ୍ତନ ଛାତ୍ର ବୃନ୍ଦାବନ ନାୟକଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏଥି ସହ ୧୯୬୯ ମସିହାରେ ସ୍ଥାପିତ ଉକ୍ତ ଶିକ୍ଷାନୁଷ୍ଠାନରେ ଅଧ୍ଯୟନ କାଳର ଅନେକ ସ୍ମୃତି ଓ ଅନୁଭୂତିକୁ ପ୍ରାକ୍ତନ ଛାତ୍ରଛାତ୍ରୀଗଣ ପ୍ରକାଶ କରିଥିଲେ । ଉକ୍ତ କାର୍ଯ୍ୟକ୍ରମ ପରିଚାଳନାରେ ନିରଞ୍ଜନ ପ୍ରଧାନ , ବଙ୍ଗାଲି ମୁଣ୍ଡା , ସମୀର ସାମନ୍ତରା ପ୍ରମୁଖ ସହଯୋଗ କରିଥିଲେ ।