ହଟିବ କଳାପାହାଡ଼ ଶାସନ, ହେବ ବିକାଶ ମୂଳକ କାର୍ଯ୍ୟ କହିଛନ୍ତି ଉପାସନା ମହାପାତ୍ର …
ଆଜି ପୁରୀ ସଦରବ୍ଲକ କହ୍ନେଇ ବିଦ୍ୟାଧର ପୁର ଗ୍ରାମ ପଞ୍ଚାୟତରୁ ଏଗାର ପଞ୍ଚାୟତର ଭାରତୀୟ ଜନତା ପାର୍ଟିର ସଦସ୍ୟମାନେ ଏକ ବାଇକ ଶୋଭାଯାତ୍ରା ରେ ଉପାସନା ମହାପାତ୍ରଙ୍କୁ ବୁଲାଇ ଅଠରବାଙ୍କ ଗ୍ରାମରେ ପଦଯାତ୍ରା କରି ସଭାସ୍ଥଳରେ ପହଞ୍ଚିଥିଲେ l ସଭା ମଞ୍ଚରେ ଉପାସନାଙ୍କ ସହିତ ମଣ୍ଡଳ ସଭାପତି ରତିକାନ୍ତ ମିଶ୍ର, ମଣ୍ଡଳ ସଭାନେତ୍ରୀ ବିଦ୍ୟୁତପ୍ରଭା ମିଶ୍ର, ପୁରୀଜିଲ୍ଲା ଯୁବ ଉପସଭାପତି ବାହୁଡା଼ ପ୍ରଧାନଙ୍କ ସହିତ ଜୟନ୍ତ କୁମାର ପ୍ରଧାନ, କାଳିପ୍ରସାଦ ଷଡ଼ଙ୍ଗୀ, ଟୁଲୁ ପ୍ରଧାନ, ବିଦ୍ୟାଧର ବାରିକ କାଳୁ ପ୍ରଧାନ ଓ ରାଜକିଶୋର ମହାପାତ୍ର ମଞ୍ଚାସିନ ଥିଲେ l ଏଠାରେ ଉପାସନା ସମସ୍ତ କର୍ମୀମାନଙ୍କ ସହିତ ଆଲୋଚନା କରିବା ସହିତ କିଛି କର୍ମୀଙ୍କ ଘରକୁ ମଧ୍ୟ ଯାଇଥିଲେ l କହ୍ନେଇ ବିଦ୍ୟାଧର ପୁରର କୌଣସି ବିକାଶ ମୂଳକ କାମ ହୋଇନଥିବାରୁ ଦୁଃଖ ପ୍ରକାଶ କରିବା ସହିତ ଆସନ୍ତା ନିର୍ବାଚନ ରେ କଳାପାହାଡ଼ ସାଶନ କୁ ପରିତ୍ୟାଗ କରି ତାଙ୍କୁ ଜିତାଇବା ପାଇଁ ଜନସାଧାରଣ ମାନଙ୍କୁ ଵିନତୀ କରି କହିଥିଲେ କି ମୁଁ କହ୍ନେଇ ବିଦ୍ୟାଧର ପୁର ଗ୍ରାମପଞ୍ଚାୟତ ରୁ ମୋର କର୍ମୀ ସମ୍ମିଳନୀ ଆରମ୍ଭ କରିଲି ଆଉ ମୁଁ ବିଧାୟକ ହେଲେ ପ୍ରଥମେ କହ୍ନେଇ ବିଦ୍ୟାଧର ପୁରରୁ ମୋର ବିକାଶ ମୂଳକ କାର୍ଯ୍ୟ ଆରମ୍ଭ କରିବି l ଗୋଟେ ଟଙ୍କା ମୁଁ ଆତ୍ମସାତ କରିବାକୁ ଦେବିନି କି ନିଜେବି ଗୋଟେ ଟଙ୍କା ନେବିନି l ଜନସାଧାରଣଙ୍କ ପଇସା ନଖାଇବା ପାଇଁ ମୋ ବାପା ସ୍ବର୍ଗତ ଲଲାଟେନ୍ଦୁ ବିଦ୍ୟାଧର ମହାପାତ୍ର ମୋତେ ପରାମର୍ଶ ଦେଇଛନ୍ତି l ତେଣୁ କଳାପାହାଡ଼ ଶାସନ କୁ ହଟେଇ ବିକାଶ ମୂଳକ କାମ କରିବା ପାଇଁ ମୋତେ ଆପଣମାନେ ଭୋଟ ଦେଇ ଜିତାନ୍ତୁ l ଲୁଲୁଭାଇଙ୍କ ଝିଅର ଏଭଳି ଭାଷଣ ଶୁଣି ହରିବୋଲ ହୁଳହୁଳି କରତାଳିରେ ସଭାସ୍ଥଳକୁ କମ୍ପାଇଥିଲେ l
ପୁରୀରୁ ରମେଶ ସାହୁଙ୍କ ରିପୋର୍ଟ
