ସ୍କୁଲର ଗଣିତ ଶିକ୍ଷକଙ୍କ ବିୟୋଗରେ ଶୋକସଭା …

ବୁଗୁଡା :ବୁଗୁଡା ବ୍ଳକ ଅନ୍ତର୍ଗତ ସଙ୍କୁରୁ ଗ୍ରାମସ୍ଥିତ ଶ୍ରୀ ଭାଗବତ ସ୍ବାମୀ ଉଚ୍ଚ ବିଦ୍ୟାଳୟର ଗଣିତ ଶିକ୍ଷକ ପ୍ରସନ୍ନ କୁମାର ଦାସଙ୍କ ଅକାଳ ବିୟୋଗରେ ବିଦ୍ୟାଳୟ ପରିସରରେ ଏକ ଶୋକସଭା ଅନୁଷ୍ଠିତ ହୋଇ ଯାଇଛି । ବିକ୍ରମାଦିତ୍ୟ ଆରୁଖଙ୍କ ସଭାପତିତ୍ବରେ ଅନୁଷ୍ଠିତ ଉକ୍ତ ଶୋକସଭାରେ ପ୍ରଥମେ ସ୍ବର୍ଗତ ପ୍ରସନ୍ନ କୁମାର ଦାସଙ୍କ ଫଟୋଚିତ୍ରରେ ପୁଷ୍ପମାଲ୍ଯ ଅର୍ପଣ ସହ ଶ୍ରଦ୍ଧାଞ୍ଜଳି ଜ୍ଞାପନ କରାଯିବା ସହ ତାଙ୍କର ଅମର ଆତ୍ମାର ସଦଗତି ପାଇଁ ଦୁଇ ମିନଟ ନିରବ ପ୍ରାର୍ଥନା କରା ଯାଇଥିଲା । ଶୋକାକୁଳ ପରିବେଶ ମଧ୍ଯରେ ସଭାରେ ବିଦ୍ୟାଳୟର ପ୍ରଧାନ ଶିକ୍ଷକ କାହ୍ନୁଚରଣ ସ୍ବାଇଁ ,ଗୋପାଳ ଚନ୍ଦ୍ର ନାୟକଙ୍କ ସମେତ ବ୍ଳକର ବିଭିନ୍ନ ଶିକ୍ଷାନୁଷ୍ଠାନର ଶିକ୍ଷକ,କର୍ମଚାରୀ, ଛାତ୍ରଛାତ୍ରୀ ,ଅଭିଭାବକ ପ୍ରମୁଖ ସ୍ବର୍ଗତ ଶିକ୍ଷକଙ୍କ ସ୍ମୃତିଚାରଣ କରିଥିଲେ । ଏ ଅବସରରେ ସ୍ବର୍ଗତ ଶିକ୍ଷକଙ୍କ ସ୍ମୃତି ଉଦ୍ଦେଶ୍ଯରେ ବିଦ୍ୟାଳୟର ପରିସରରେ ବୃକ୍ଷ ରୋପଣ କରାଯାଇଥିଲା ।