ଗ୍ଯାସ୍ ଲିକରୁ ଅଗ୍ନିକାଣ୍ଡ, ଜଳଖିଆ ଦୋକାନ ଭସ୍ମୀଭୂତ, ରୋଷେୟା ଆହତ

ବୁଗୁଡ଼ା : ତା ୦୯/୦୨/୨୩ : ବୁଗୁଡ଼ା ଥାନା କଳମ୍ବ ପଞ୍ଚାୟତ ଅନ୍ତର୍ଗତ ଡେଙ୍ଗାପଦର ଗ୍ରାମର ଏକ ଜଳଖିଆ କ୍ୟାବିନରେ ଗ୍ୟାସ ଲିକରୁ ଅଗ୍ନିକାଣ୍ଡ ଘଟି ଜଣେ ଆହତ ହୋଇଥିବା ବେଳେ କ୍ୟାବିନଟି ସମ୍ପୂର୍ଣ୍ଣ ପୋଡି ପାଉଁଶ ହୋଇ ଯାଇଛି l ଆହତ ହୋଟେଲ ମାଲିକ ହେଲେ ରାମ ପ୍ରଧାନ l ଆଜି ସକାଳେ ରାମ ଜଳଖିଆ ପ୍ରସ୍ତୁତ କରୁଥିବା ବେଳେ କୌଣସି କାରଣରୁ ଗ୍ୟାସ ସିଲିଣ୍ଡର ଲିକ ହୋଇ ନିଆଁ ଲାଗି ଯାଇଥିଲା l ସ୍ଥାନୀୟ ଲୋକେ ରାମକୁ ଉଦ୍ଧାର କରି ବାଲିପଦର ମେଡିକାଲରେ ଭର୍ତ୍ତି କରିଥିଲେ l ଖବର ପାଇ ବୁଗୁଡ଼ାରୁ ଦମକଳ ପହଞ୍ଚିଲା ବେଳକୁ ସବୁ କିଛି ପୋଡି ଛାର ଖାର ହୋଇ ଯାଇଥିଲା l ରାମ ଜଳଖିଆ ଦୋକାନ କରି ପରିବାର ପ୍ରତିପୋଷଣ କରୁଥିବା ବେଳେ ଅଗ୍ନିକାଣ୍ଡରେ ତାଙ୍କର କ୍ୟାବିନ୍ ସାଙ୍ଗକୁ ରୋଷେଇ ସାମଗ୍ରୀ ଆଦି ପୋଡି ନଷ୍ଟ ହୋଇ ଯାଇଥିବାରୁ ତାଙ୍କୁ ତୁରନ୍ତ ସରକାରୀ ସହାୟତା ପ୍ରଦାନ କରିବା ପାଇଁ ଗ୍ରାମବାସୀ ଦାବି କରିଛନ୍ତି l