ସ୍ବେଚ୍ଛାକୃତ ରକ୍ତଦାନ ଶିବିର ଉପଲକ୍ଷେ ସଚେତନତା ଶୋଭାଯାତ୍ରା 

ବୁଗୁଡ଼ା : ତା ୦୪/୦୨/୨୩ : ସ୍ଥାନୀୟ ପିପୁଲ୍ସ ଡିଗ୍ରୀ କଲେଜର ଯୁବ ରେଡକ୍ରସ ଏବଂ ସମର ଶିକ୍ଷାର୍ଥୀ ବାହିନୀ ପକ୍ଷରୁ ଆସନ୍ତା ଫେବୃୟାରୀ ୮ ତାରିଖ ଦିନ କଲେଜ ପରିସରରେ ଆୟୋଜିତ ହେବାକୁ ଯାଉଥିବା ସ୍ବେଚ୍ଛାକୃତ ରକ୍ତଦାନ ଶିବିର ଉପଲକ୍ଷେ ଆଜି ଏକ ଜନ ସଚେତନତା ଶୋଭାଯାତ୍ରା ବୁଗୁଡ଼ାରେ ଅନୁଷ୍ଠିତ ହୋଇଯାଇଛି । ଓ୍ବାଇଆରସି କାଉନସିଲର ଅଧ୍ଯାପକ ବିନୋଦ କୁମାର କର ଓ ଏନସିସି ଲେଫ୍ଟନାଣ୍ଟ ଅଧ୍ଯାପକ ଅଜୟ କୁମାର ସାହୁଙ୍କ ନେତୃତ୍ବରେ ଉଭୟ ସଂଗଠନର ଛାତ୍ରଛାତ୍ରୀମାନେ ଶୋଭାଯାତ୍ରାରେ ବାହାରି ପ୍ଲାକାର୍ଡ଼ ପ୍ରଦର୍ଶନ ସହ ବିଭିନ୍ନ ସ୍ଲୋଗାନ ଦେଇ ସ୍ବେଚ୍ଛାକୃତ ରକ୍ତଦାନ ନିମନ୍ତେ ସଚେତନତା ସୃଷ୍ଟି କରିଥିଲେ ।