ସାରଳାପୀଠ ଭାଗବତ ଜ୍ଞାନଯଜ୍ଞ ମହୋତ୍ସବ ର ଦ୍ୱିତୀୟ ଓ ତୃତୀୟ ସନ୍ଧ୍ୟା

ତିର୍ତ୍ତୋଲ ତା 27/4/2026 ଶ୍ରୀମଦ ଭାଗବତ ର ଶ୍ରବଣ, ପଠନ ଓ ଅନୁଶୀଳନ ଦ୍ୱାରା ବ୍ୟକ୍ତି ଓ ସମାଜରେ ଆଧ୍ୟାତ୍ମିକ ଭକ୍ତିଭାବ ବିକଶିତ ହୋଇଥାଏ, ବୋଲି, ପ୍ରସିଦ୍ଧ ଝଙ୍କଡ଼ ସାରଳାପୀଠ ରେ ଗତ ପଚିଶତାରିଖ ଠାରୁ ଆରମ୍ଭ ହୋଇଥିବା ଭାଗବତ ଜ୍ଞାନଯଜ୍ଞ ମହୋତ୍ସବ ର ଦ୍ୱିତୀୟ ଓ ତୃତୀୟ ସନ୍ଧ୍ୟାରେ ମୁଖ୍ୟଅତିଥି ଭାବେ ଯୋଗଦେଇ ବହୁବିଶିଷ୍ଟ ମାନ୍ୟଗଣ୍ୟ ବ୍ୟକ୍ତି ମତବ୍ୟକ୍ତ କରିଅଛନ୍ତି l ଧାରାବାହିକ ପ୍ରବକ୍ତା ବାବାଜୀ ନୀଳାଚଳ ଦାସ ମହାରାଜ ଙ୍କ ପ୍ରତକ୍ଷ୍ୟ ତତ୍ତ୍ୱାବଧାନ ରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାତଃ ସମୟରେ, କନକ ପୁର ଗ୍ରାମର ଗ୍ରାମଦେବତୀ ମା ଜାଗୁଳାଇ ଓ ସାରଳାହାଟ ହନୁମାନଜୀଉ ଙ୍କ ମନ୍ଦିର ପର୍ଯ୍ୟନ୍ତ, ତୃତୀୟ ଦିନ କନକେଶ୍ୱର ମହାଦେବ ଓ ବାୟାବାବା ଙ୍କ ମନ୍ଦିର ପର୍ଯ୍ୟନ୍ତ ନଗରକୀର୍ତ୍ତନ କରାଯାଇଥିଲା l ପରେପରେ, ବ୍ୟାସ ଭାବରେ ପଣ୍ଡିତ ବିଶ୍ୱନାଥ ଶତପଥୀ ଓ ଉପବ୍ୟାସ ସନ୍ଥ ଖିଲାରନାଥ ପୁରୀ, ଶ୍ରୀମଦ ଭାଗବତ ପାରାୟଣ କରିଥିଲେ l ସନ୍ଧ୍ୟାରେ ଆନ୍ତର୍ଜାତୀୟ ଚାରଣଗୋଷ୍ଠୀ ର ଉପସଭାପତି ଡଃ ବାମଦେବ ବରାଳ ମୁଖ୍ୟଅତିଥି ଭାବେ କାର୍ଯ୍ୟକ୍ରମ କୁ ଉଦଘାଟନ କରିବା ସହିତ ଭାଗବତରେ କପିଳମୁନି ଙ୍କ ବିଷୟରେ ତାତ୍ତ୍ୱିକ ବକ୍ତବ୍ୟ ପ୍ରଦାନ କରିଥିବା ବେଳେ ସମ୍ମାନିତ ଅତିଥିଭାବରେ ଭୁବନେଶ୍ୱର ଝାରପଡା ଦୁର୍ଗାପୂଜା କମିଟି ର ସମ୍ପାଦକ ଧରଣୀଧର ଜେନା, ବମିଖାଲ ଦୁର୍ଗାପୂଜା କମିଟି ର ମୁଖ୍ୟଉପଦେଷ୍ଟା ସୁକାନ୍ତ ପ୍ରଧାନ ଓ ଟଙ୍କପାଣି ରୋଡ଼ ର ଯୁବସମାଜସେବୀ ଅରୁଣ କୁମାର ବେହେରା ସମ୍ମାନିତ ଅତିଥି ଭାବେ ଯୋଗଦେଇ, ଅନୁଷ୍ଠାନ ତରଫରୁ ସମ୍ମାନୀତ ଓ ସମ୍ବର୍ଦ୍ଧିତ ହୋଇଥିଲେ l ତୃତୀୟ ସନ୍ଧ୍ୟାର ଜ୍ଞାନଯଜ୍ଞ ରେ ସାରଳାସଂସ୍କୃତି ଗବେଷକ ରମାକାନ୍ତ ରାଉଳ, ମୁଖ୍ୟଅତିଥି ଓ ଆଇନୀଜୀବି ମହେଶ ମହାନ୍ତି, ଆଧ୍ୟାତ୍ମିକବାଦୀ ଗୋପାଳ ଚରଣ ଖଟୁଆ ଓ ଶିକ୍ଷକ ବିଷ୍ଣୁ ଚରଣ ଦାଶ ଙ୍କ ଧାରାବାହିକ ପ୍ରବକ୍ତା ବାବାଜୀ ନୀଳାଚଳ ଦାସ ମହାରାଜ ଓ ସର୍ବୋପରି ବ୍ୟାସ ପଣ୍ଡିତ ବିଶ୍ୱନାଥ ଶତପଥୀ ପ୍ରମୁଖ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମ କୁ ଉଦଘାଟନ କରିଥିଲେ l ତେବେ ପଣ୍ଡିତ ଦେବୀ ପ୍ରସାଦ ତ୍ରିପାଠୀ ଵେଦମନ୍ତ୍ର ପାଠ କରିବା ସହିତ ମଞ୍ଚ ସଂଚାଳନ କରିଥିଲେ l ମାଆଙ୍କ ଚାପଖେଳ ଓ ପଟୁଆର ସରିବା ପର୍ଯ୍ୟନ୍ତ ଏହି ପ୍ରବଚନ ମାଧ୍ୟମରେ ଶ୍ରୀମଦ ଭାଗବତ କଥାମୃତ ଶ୍ରବଣ କରିବା ନିମନ୍ତେ ବହୁଶ୍ରଦ୍ଧାଳୁଭକ୍ତ ଉପସ୍ଥିତ ଥିବାର ଦେଖିବାକୁ ମିଳିଥିଲା lଜଗତ୍ସିଂହପୁର ରୁ ଶରତ କୁମାର ଦାଶ ଙ୍କ ରିପୋର୍ଟ୍ ନ୍ୟୁଜ ଉପାନ୍ତ ଖବର