କୁକୁର ପଲର ଆକ୍ରମଣରେ କୃଷ୍ଣସାର ମୃଗର ମୃତ୍ୟୁ
କୁକୁର ପଲର ଆକ୍ରମଣରେ କୃଷ୍ଣସାର ମୃଗର ମୃତ୍ୟୁ
ବୁଗୁଡ଼ା : ତା ୨୬/୦୮/୨୩ : ବୁଗୁଡ଼ା ବନାଞ୍ଚଳ ଅନ୍ତର୍ଗତ ମାଣିକପୁର ଓ ଅନ୍ତରପଡା ଗାଁ ମଝିରେ ଏକ କୃଷ୍ଣସାର ମୃଗ ବୁଲା କୁକୁର ପଲର ଆକ୍ରମଣରେ ମୃତ୍ଯୁ ବରଣ କରିଥିବା ଜଣାଯାଇଛି । ପ୍ରକାଶ ଯେ , ଆଜି ସକାଳେ ଅନ୍ତରପଡା ଓ ମାଣିକପୁର ଗାଁ ରାସ୍ତା କଡ ବିଲମାଳରେ ଏକ କୃଷ୍ଣସାର ମୃଗ ଖାଦ୍ୟ ଅନ୍ବେଷଣରେ ଘୁରିବୁଲୁଥିବା ବେଳେ କୁକୁର ପଲ ହାବୁଡରେ ପଡିଯାଇଥିଲା । କୁକୁର ପଲର ଆକ୍ରମଣରେ ସେ ଖଣ୍ଡିଆ ଖାବରା ହୋଇ ମୃତ୍ୟୁବରଣ କରିଥିଲା । କୌଣସି ସୂତ୍ରରୁ ଖବର ପାଇ ବନ ବିଭାଗ କର୍ମଚାରୀମାନେ ସେଠାରେ ପହଞ୍ଚି ମୃତ ମୃଗଟିକୁ ଜବତ କରିଥିବା ଜଣାଯାଇଛି । ବୁଗୁଡ଼ା ବନାଞ୍ଚଳରେ ଖାଦ୍ୟ ଅନ୍ବେଷଣରେ ଗାଁ ମୁହାଁ ଅନେକ କୃଷ୍ଣସାର ମୃଗ ମଧ୍ୟରୁ କିଏ କୁକୁର ପଲର ଆକ୍ରମଣରେ ତ ଆଉ କିଏ ଗାଡି ଧକ୍କାରେ ମୃତ୍ୟୁ ବରଣ କରୁଥିବା ଘଟଣା ସାଧାରଣରେ ଚିନ୍ତାର ବିଷୟ ପାଲଟିଛି ।
