ବଢିଚାଲିଛି ଧଳାଜହରର କାରବାର ଏଥି ପାଇଁ କାରଣ କଣ ?

ଜଗତସିଂହପୁର :- ଜିଲ୍ଲାରେ ବଢିଚାଲିଛି ଧଳାଜହର ର ବେଆଇନ କାରବାର ! ଦୀର୍ଘଦିନ ହେବ ଜଗତସିଂହପୁର ଜିଲ୍ଲାର ବିଭିନ୍ନ ଏରିଆରୁ ଅବକାରୀ ବିଭାଗ ଅଚାନକ ଚଢ଼ାଉ କରି କାବୁ କରୁଛି ଅପରାଧୀଙ୍କୁ ! ତଥାପି ବଢ଼ି ଚାଲିଛି ଧଳାଜହର କାରବାର ! ଘଟଣା କଣ ହେଇପାରେ ଯୋଉଁଥିପାଇଁ ଅବାଧ କାରବାର ବୃଦ୍ଧି ପାଉଛି ? ଚିନ୍ତା ବଢ଼େଇ ଦେଇଛି ବରିଷ୍ଠ ନାଗରିକ ମାନଙ୍କର ! ଅନୁମାନ କରାଯାଏ ଯେ ପ୍ରଶାସନିକ ଅବହେଳା ଯୋଗୁ ହେଉ ଅବା କୌଣସି ମାଫିଆ ଗୋଷ୍ଠୀ ମାନଙ୍କର ରାଜନୈତିକ ଫାଇଦା ପାଇଁ ହେଉ, ଏହି କାରବାର ବଢ଼ି ବଢ଼ି ଚାଲିଛି ! ଆଉ ଅପରାଧୀ ସାଜୁଛନ୍ତି ଜିଲ୍ଲାର ଯୁବଗୋଷ୍ଠି ! ଅନ୍ୟ ପକ୍ଷରେ କହିବାକୁ ଗଲେ ବେରୋଜଗାରୀର ଶିକାର ହୋଇଥିବା ଯୁବସମାଜ ଚାକିରୀ ନପାଇ ଅପରାଧ ର ଅନ୍ଧ ଦୁନିଆକୁ ଆପଣେଇ ନେଉଛି ! ଏସବୁ ପାଇଁ ଶାସକ ସରକାର ଓ ପ୍ରଶାସନିକ ଅବହେଳା ଦାୟୀ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଜୋର ଧରିଛି ! ଖବର ଅନୁସାରେ ଜଗତସିଂହପୁର ଅବକାରୀ ପୋଲିସ ବଡବାଗ ପେଟ୍ରୋଲ ପମ୍ପ ନିକଟରୁ ଏକ ଧଳାଜହର ରାକେଟ କୁ କାବୁକରି ତାଙ୍କ ଠାରୁ 60 ଗ୍ରାମ ଓଜନର ବ୍ରାଉନ ସୁଗାର ଜବତ କରିଛନ୍ତି ! ଯାହାର ମୂଲ୍ୟ ପ୍ରାୟ 6 ଲକ୍ଷ ଟଙ୍କା ହେବ ! ଅଭିଯୁକ୍ତ ଆଲୋକ ବେହେରା (21 ବର୍ଷ )ଙ୍କୁ କୋର୍ଟ ଚାଲାଣ କରାଯାଇଥିବାର ଅବକାରୀ ଇନସ୍ପେକ୍ଟର ନିମାଇଁ ଚରଣ ସିଂହ ସୂଚନା ଦେଇଛନ୍ତି ! କଥା ଉଠୁଛି ବାରମ୍ବାର ଅଭିଯୁକ୍ତ ଅପରାଧୀ ଧରାପଡ଼ୁ ଥିଲେ ମଧ୍ୟ ନିର୍ଭୟରେ କିପରି ବଢ଼ି ଚାଲିଛି କାରବାର ? ଏହି ଉତ୍ତର କାହାରି ପାଖରେ ନାହିଁ ! କିନ୍ତୁ ଜିଲ୍ଲାର ବିଭିନ୍ନ ଛକ ସ୍ଥାନ, ପେଟ୍ରୋଲ ପମ୍ପ, ଗଳିଅଞ୍ଚଳ ମାନଙ୍କରେ ଏହି କାରବାର ଦାନା ବାନ୍ଧି ସାରିଛି ବୋଲି ଜଣାଯାଏ ! କେବଳ ଯେ ଧଳାଜହର ଚୋରା କାରବାର ହେଉଛି ତାହାନୁହେଁ ! ଏହା ସହିତ ଦେଶୀ, ବିଦେଶୀ ଓ ଚାଉଳି ମହୁଲି ରନ୍ଧା ମଦ ମଧ୍ୟ କାରବାର ଚାଲିଛି !ଖଜୁରୀ ମଦର ବି କାରବାର ବିଭିନ୍ନ ସ୍ଥାନରେ ଚାଲିଛି ! ଅବକାରୀ ଅଫିସର ବିଭିନ୍ନ ସ୍ଥାନରୁ ମଦ ସହିତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରୁଛନ୍ତି ! କୋର୍ଟ ରୁ ବାହାରୁଛନ୍ତି ପୁଣି ଚାଲିଲା କାରବାର ! ଟୋଟାଲ ଅବକାରୀ ସିଷ୍ଟମ ବିଗିଡି ଯାଇଛି ରାଜନୈତିକ ଘଣ୍ଟଘୋଡା ନୀତି ପାଇଁ ! ଦାବୀ ହେଉଛି ଯେ ଅବକାରୀ ସିଷ୍ଟମ କୁ ଟିକେ ମାନ୍ୟବର ଅବକାରୀ ମନ୍ତ୍ରୀ ବଦଳାଇବାକୁ କିଛି ନୂତନ ନିୟମ ଘୋଷଣା କରନ୍ତୁ ! ନଚେତ ଜିଲ୍ଲାର ପ୍ରତ୍ୟେକ ବ୍ଲକରେ ଅବକାରିରାଜ ବ୍ୟାପିଯିବ ଏହାକୁ କେହି ବି ଚାହିଁଲେ କିଛି କରିପାରିବେନି ! (ଜଗତସିଂହପୁର ରୁ ଶରତ କୁମାର ଦାଶଙ୍କ ରିପୋର୍ଟ ନ୍ୟୁଜ ଉପାନ୍ତ ଓଡିଶା )