ନୂଆପଡା ନାରାୟଣ ପ୍ରଧାନ ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଅଦାଲତରେ ଆତ୍ମସମର୍ପଣ..
ଗଞ୍ଜାମ ଜିଲ୍ଲାର ଚିକିଟୀ ବ୍ଲକ ଅନ୍ତର୍ଗତ ନୂଆପଡା ଗ୍ରାମରେ ଗତ ଦିନରେ ଘଟିଥିବା ନାରାୟଣ ପ୍ରଧାନ ହତ୍ୟାକାଣ୍ଡର ଗୁରୁତ୍ୱପୂର୍ଣ୍ଣ ପରିଣତି ଦେଖାଦେଇଛି । ଘଟଣାର ମୁଖ୍ୟ ଅଭିଯୁକ୍ତ ଶୁଭରାଜ ବେହେରା ଦିଗପହଣ୍ଡି ଅଦାଲତରେ ଆତ୍ମସମର୍ପଣ କରିଥିବା ସୂଚନା ମିଳିଛି। ଏଥିସହ ତଦନ୍ତରେ ନୂତନ ଗତି ଆସିବାର ଆଶା ବଢ଼ିଛି ।
ଅନ୍ୟ ଏକ ଅଭିଯୁକ୍ତ ଶଙ୍କର ବେହେରାକୁ ବିଗତ ଦିନରେ ପୋଲିସ ଗିରଫ କରିଥିବା ବେଳେ ଆଜି ଶୁଭରାଜ ଆତ୍ମସମର୍ପଣ କରିଥିବା ଯୋଗୁଁ ଏଥିରେ ଜଡିତ ଅନେକଙ୍କ ପର୍ଦାଫାଶ ହେବାର ଆଶଙ୍କା ବଢିଛି । ଦୁଇ ଅଭିଯୁକ୍ତଙ୍କ ଗିରଫ ଓ ଆତ୍ମସମର୍ପଣ ଦ୍ୱାରା ଘଟଣା ପଛର କାରଣ, ଦୂରଭିସନ୍ଧି ଓ ଯୁକ୍ତ ସଂଯୋଗ ସମ୍ପର୍କରେ ପୋଲିସ ଅଧିକ ତଥ୍ୟ ଅନୁସନ୍ଧାନ ନିମନ୍ତେ ପଥ ସୁଗମ ହୋଇଛି । ସୂଚନା ମୁତାବକ ଗିରଫ ଅଭିଯୁକ୍ତଙ୍କୁ ରିମାଣ୍ଡ ରେ ନେଇ ସଂଗଠିତ ଭାବେ ପଚରାଉଚରା କରାଯିବ। ରିମାଣ୍ଡ ସମୟରେ ହତ୍ୟା ଘଟଣାର ସହଯୋଗୀ, ପ୍ରକୃତ ଆଶ୍ରୟସ୍ଥଳୀ, ଯୋଜନା ଓ ଘଟଣାର ଅନ୍ୟାନ୍ୟ ଅଧୃତ ତଥ୍ୟ ଉନ୍ମୋଚନ ହେବାର ସମ୍ଭାବନା ରହିଛି । ନୂଆପଡା ଗ୍ରାମରେ ଏହି ହତ୍ୟାକାଣ୍ଡକୁ ନେଇ ଲୋକଙ୍କ ମଧ୍ୟରେ କୁକୁଆଭୟ, ଅସନ୍ତୋଷ ଓ ଅସନ୍ତୁଷ୍ଟି ବଢ଼ିଥିଲା। ମୁଖ୍ୟ ଅଭିଯୁକ୍ତଙ୍କ ଆତ୍ମସମର୍ପଣ ଓ ଅନ୍ୟ ଅଭିଯୁକ୍ତଙ୍କ ଗିରଫରେ ଗ୍ରାମବାସୀ କିଛି ମାତ୍ରାରେ ଆଶ୍ବସ୍ତି ଲାଭ କରିଛନ୍ତି। ମାମଲାର ସତ୍ୟକୁ ପ୍ରକାଶ କରିବା ପାଇଁ ସବୁପ୍ରକାର ଆଇନୁନ୍ମୁଖୀ ପଦକ୍ଷେପ ପୋଲିସ ଦ୍ୱାରା ନିଆଯିବାର ସମ୍ଭାବନା ଅଛି । ରିମାଣ୍ଡ ରେ ଆଣି ସଠିକ ନିରପେକ୍ଷ ତଦନ୍ତ ଦ୍ୱାରା ପ୍ରକୃତ ତଥ୍ୟ ଜଣାପଡ଼ିବ। (ଚିକିଟି ଶୁଭଶ୍ରୀ ପ୍ରଧାନ )
