ବାଇକ୍ ଦୁର୍ଘଟଣାରେ ଷ୍ଟେନୋ ଗୁରୁତର
ବାଇକ୍ ଦୁର୍ଘଟଣାରେ ଷ୍ଟେନୋ ଗୁରୁତର
ବୁଗୁଡ଼ା : ବୁଗୁଡ଼ା ବ୍ଲକ ତାକରଡା ଗାଁ ଛକ ନିକଟରେ ବାଇକ ଦୁର୍ଘଟଣାରେ ଜଣେ ଗୁରୁତର ଅବସ୍ଥାରେ ବ୍ରହ୍ମପୁରକୁ ସ୍ଥାନାନ୍ତର ହୋଇଥିବା ଜଣାଯାଇଛି । ଗୁରୁତର ଜଣକ ବ୍ରହ୍ମପୁର ପୋଲିସ ହାଉସିଂ ବୋର୍ଡରେ କାର୍ଯରତ ଷ୍ଟେନୋ ମନୋଜ କୁମାର ସାହୁ । ଘଟଣାରୁ ପ୍ରକାଶ ଯେ, ଆଜି ମନୋଜ ଓ ତାଙ୍କର ଜଣେ ସାଥି ବାଇକ (ନଂ-ଓଡି ୨୫ କେ ୮୭୮୮)ରେ ବ୍ରହପୁରରୁ ବାହାରି ଶରଣକୁଳକୁ ଯାଉଥିଲା ବେଳେ ରାତି ୯ଟା ସମୟରେ ତାକରଡା ଗାଁ ଛକ ନିକଟରେ ରାସ୍ତା କାମ ଚାଲିଥିବା ସ୍ଥଳରେ ଦୁର୍ଘଟଣାର ଶିକାର ହୋଇଥିଲେ । ସେ ବାଇକ୍ ଚଳାଇ ଯାଉଥିବା ବେଳେ ସାମନା ପଟୁ ଆସୁଥିବା ଗାଡିର ଆଲୋକରେ କିଛି ନ ଦେଖା ଯିବାରୁ ରାସ୍ତା ତିଆରି ସ୍ଥାଳରେ ଦୁର୍ଘଟଣା ଘଟିଥିଲା। ତାଙ୍କୁ ଆହତ ଅବସ୍ଥାରେ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବୁଗୁଡ଼ା ମେଡିକାଲକୁ ପଠାଇଥିଲେ ଦୁର୍ଘଟଣାରେ ମନୋଜଙ୍କ ବାମ ଗୋଡ଼ ଭାଙ୍ଗି ଯାଇଥିଲା । ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ତାଙ୍କୁ ନୟାଗଡ ମେଡିକାଲକୁ ସ୍ଥାନାନ୍ତର କରାଯାଇଥିଲା । ପ୍ରକାଶ ଯୋଗ୍ୟ ଯେ, ବିନା ସୂଚନା ଫଳକରେ ଠିକାଦାର ସେଠାରେ ରାସ୍ତା କାମ ଚଲାଇଥିବାରୁ ବିଶେଷ କରି ରାତିରେ ଏମିତି ଛୋଟ ବଡ ଅନେକ ଦୁର୍ଘଟଣା ଘଟୁଥିବା ନେଇ ସାଧାରଣରେ ଆଲୋଚନା ହେଉଛି ।
