ମା ତାରିଣୀ କ୍ରିକେଟ କପ ସନସାଇନ ପିପିଲିକୁ ହରାଇ ସେମିରେ ମଞ୍ଚେଶ୍ୱର ଭୁବନେଶ୍ୱର

ଅସ୍ତରଙ୍ଗ ୩/୩ ଅସ୍ତରଙ୍ଗ ର ମା ତାରିଣୀ ସ୍ପୋର୍ଟିଂ କ୍ଲବ୍ ଦ୍ୱାରା ନିକଟସ୍ଥ ଚୌଧୁରୀ ଷ୍ଟାଡିୟମରେ ଆୟୋଜିତ ରାଜ୍ୟସ୍ତରୀୟ କ୍ରିକେଟ୍ ପ୍ରତିଯୋଗିତାର ଶେଷ କ୍ବାଟର ଫାଇନାଲ ଶୁକ୍ରବାର ଦିନ ମଞ୍ଚେଶ୍ୱର ଭୁବନେଶ୍ୱର ଏବଂ ସନସାଇନ ପିପିଲି ମଧ୍ୟରେ ଆୟୋଜିତ ହୋଇଯାଇଛି| ସଭାପତି ମନୋଜ ବିଶ୍ୱାଳ ,କ୍ରୀଡା ସମ୍ପାଦକ ସମୀର କୁମାର କର ,ସଂଯୋଜକ ସୁଦୀପ୍ତ ରାଉତ, ସରୋଜ ପ୍ରଧାନ ,ସଂଜୟ ପ୍ରଧାନ, ଦିଲ୍ଲୀପ ଦାସ, ମହେଶ ସାର, ପ୍ରକାଶ ବେହେରା ରମାରଞ୍ଜନ ମହାନ୍ତି, ଏବଂ କ୍ଳବ ର ଅନ୍ୟ ସମସ୍ତ ସଭ୍ୟବୃନ୍ଦ ଉପସ୍ଥିତ ରହି ମ୍ୟାଚ ପରିଚାଳନା କରିଥିଲେ । ପ୍ରଥମେ ମଞ୍ଚେଶ୍ୱର ଭୁବନେଶ୍ୱର ଅଧିନାୟକ ଟଚ୍ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ସମସ୍ତ ଉଇକେଟ୍ ହରାଇ ୧୫୧ ରନ୍ ସଂଗ୍ରହ କରିଥିଲେ । ଦ୍ଵିତୀୟ ଇନୀଙ୍ଗିସ ରେ ୧୫୨ ରନ ଲକ୍ଷ୍ୟ ପିଛା କରି ସନସାଇନ ପିପିଲି ନିର୍ଦ୍ଦାରୀତ 20 ଓଭରରେ ସମସ୍ତ ଉଇକେଟ୍ ହରାଇ ୧୩୮ ରନ କରି ୧୩ ରନରେ ପରାଜୟ ସ୍ୱୀକାର କରିଥିଲା l ମଞ୍ଚେଶ୍ୱର ପକ୍ଷରୁ ରବୀନ୍ଦ୍ର 4 ଓଭର ବୋଲିଂ କରି ୨୬ ରନ ଦେବା ସହିତ ୩ ଟି ଉଇକେଟ ଅକ୍ତିଆର କରି ମ୍ୟାନ୍ ଅଫ୍ ଦି ମ୍ୟାଚ୍ ରୂପେ ବିବେଚିତ ହୋଇ ଥିଲେ। ଦକ୍ଷ ଅମ୍ପେୟାର ସନ୍ତୋଷ ଏବଂ କୁମାର ବାପି ଖେଳ ପରିଚାଳନା କରିଥିଲେ। ମହେଶ ସାର,ଦୀପକ ଦାସ ଖେଳର ଧାରା ବିବରଣୀ ପ୍ରଦାନ କରିଥିଲେ।
[ ଦୁଃଶାସନ ନାୟକ,ଅସ୍ତରଙ୍ଗ)