ଓଡିଶା ସିଭିଲ୍ ସର୍ଭିସ୍ ପରୀକ୍ଷାରେ ସମୀରଙ୍କ ସଫଳତା

ଓଡିଶା ସିଭିଲ୍ ସର୍ଭିସ୍ ପରୀକ୍ଷାରେ ସମୀରଙ୍କ ସଫଳତା
ବୁଗୁଡ଼ା : ତା ୦୩/୦୮/୨୩ : ଓଡିଶା ସିଭିଲ ସର୍ଭିସ୍ ପରୀକ୍ଷା – ୨୦୨୧ର ଚୂଡାନ୍ତ ଫଳ ପ୍ରକାଶ ପାଇଛି । ଏହି ପରୀକ୍ଷାରେ ବୁଗୁଡ଼ା ନୂଆଁ ସାହିର ଜୟଦେବ ପାତ୍ରଙ୍କ ପୁତ୍ର ସମୀର କୁମାର ପାତ୍ର ୩୩୭ ରେଙ୍କରେ ରହି କୃତକାର୍ଯ୍ୟ ହୋଇଛନ୍ତି । ସେ ବ୍ରହ୍ମପୁର ଖଲ୍ଲିକୋଟ ବିଶ୍ବବିଦ୍ୟାଳୟରୁ ଗଣିତରେ ସ୍ନାତକ ହାସଲ ପରେ ଦ୍ବତୀୟ ସୁଯୋଗରେ ଏହି ସଫଳତା ପାଇଛନ୍ତି । ନିଜର କଠିନ ପରିଶ୍ରମ, ନିଷ୍ଠା ଓ ଦୃଢ ମନୋବଳ ଯୋଗୁଁ ତାଙ୍କୁ ଏହି ସଫଳତା ମିଳିଥିବା ବେଳେ ପ୍ରଶାସନିକ କ୍ଷେତ୍ରରେ ସେ ଲୋକଙ୍କୁ ଉତ୍ତମ ସେବା ଯୋଗାଇବାରେ ପ୍ରଚେଷ୍ଟା ଜାରି ରଖିବେ ବୋଲି ସେ ପ୍ରକାଶ କରିଛନ୍ତି । ଏହି ସଫଳତା ପ୍ରାପ୍ତି ପରେ ବୁଗୁଡା ଅଞ୍ଚଳର ବିଭିନ୍ନ ମହଲରୁ ତାଙ୍କ ନିକଟକୁ ଅଭିନନ୍ଦନ ଓ ଶୁଭେଚ୍ଛା ସୁଅ ଛୁଟିଥିବା ଜଣାଯାଇଛି ।