“ନିଶାକୁ ନା” କାର୍ଯ୍ୟକ୍ରମ , ବୁଗୁଡ଼ାରେ ନିଶା ନିବାରଣ ସଚେତନତା ଶୋଭାଯାତ୍ରା

ବୁଗୁଡ଼ା : ତା ୨୬/୦୬/୨୩ : ଅନ୍ତର୍ଜାତୀୟ ନିଶା ନିବାରଣ ଦିବସ ଅବସରରେ ସ୍ଥାନୀୟ ଓଁ ଶାନ୍ତି ସଂଗଠନ , ଅବକାରୀ ଓ ପୋଲିସ ପ୍ରଶାସନ ପକ୍ଷରୁ ଏକ ସଚେତନତା ଶୋଭାଯାତ୍ରା କାର୍ଯ୍ୟକ୍ରମ ବୁଗୁଡ଼ା ସହରରେ ଅନୁଷ୍ଠିତ ହୋଇଯାଇଛି । ନିଶା ସେବନ ଠାରୁ ଦୂରେଇ ରହିବା ନେଇ ସଚେତନତା ଲକ୍ଷ୍ୟରେ ଏକ ଶୋଭାଯାତ୍ରା ବାହାରି ସ୍ଥାନୀୟ ମଦନ ମୋହନ ଛକ ଠାରେ ନିଶା ସେବନର ଭୟାଭୟତା ସମ୍ପର୍କେ ନାଟକ ପରିବେଷଣ ମାଧ୍ୟମରେ ଜନ ସଚେତନତା ସୃଷ୍ଟି କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ବୁଗୁଡା ବ୍ଲକ ଅଧ୍ୟକ୍ଷା କେ.ପ୍ରିୟଦର୍ଶିନୀ ଆଚାରୀ , ଏସଆଇ ବିନାୟକ ବିଧାର, ଅବକାରୀ ଭାରପ୍ରାପ୍ତ ଅଧିକାରୀ ରାମେଶ୍ଵର ବେହେରା ପ୍ରମୁଖଙ୍କ ସମେତ ଓଁ ଶାନ୍ତି ସଂଗଠନର ସଦସ୍ୟାଗଣ ଏବଂ ଅବକାରୀ କର୍ମଚାରୀବୃନ୍ଦ ଅଂଶ ଗ୍ରହଣ କରିଥିଲେ ।