ଉମରକୋଟ ର ସମାଜସେବୀ ସଞ୍ଜୀବ ସୁବୁଦ୍ଧି ୨୦ରୁ ଅଧିକ ଥର ରକ୍ତଦାନ କରି ମାନବିକତାର ନୂଆ ଉଦାହରଣ ସୃଷ୍ଟି କଲେ………..

ଉମରକୋଟ:-(ଏମ୍.ଦୀନା°ଶୁ ଆଚାରୀ) ରକ୍ତଦାନ ମାଧ୍ୟମରେ ଅନେକ ଜୀବନକୁ ନୂଆ ଆଶା ଦେଇଆସୁଥିବା ସମାଜସେବୀ ସଞ୍ଜୀବ ସୁବୁଦ୍ଧି ପୁଣିଥରେ ନିଜର ମାନବିକତାର ପରିଚୟ ଦେଇଛନ୍ତି। ଜଣେ ଅସହାୟ ବୃଦ୍ଧଙ୍କ ପାଇଁ ଜରୁରୀ ଭାବେ ରକ୍ତର ଆବଶ୍ୟକତା ଥିବାବେଳେ ସେ ତୁରନ୍ତ ରକ୍ତଦାନ କରି ତାଙ୍କ ଜୀବନ ବଞ୍ଚାଇବାରେ ସହଯୋଗ କରିଛନ୍ତି। ସୂଚନା ଅନୁଯାୟୀ, ଚିକିତ୍ସାଧୀନ ଥିବା ଜଣେ ବୃଦ୍ଧଙ୍କ ପାଇଁ ଜରୁରୀ ରକ୍ତର ଆବଶ୍ୟକତା ପଡ଼ିଥିଲା। ଖବର ପାଇବା ମାତ୍ରେ ସଞ୍ଜୀବ ସୁବୁଦ୍ଧି ହସ୍ପିଟାଲରେ ପହଞ୍ଚି ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ। ତାଙ୍କ ରକ୍ତଦାନ ଫଳରେ ବୃଦ୍ଧ ଜଣଙ୍କ ଚିକିତ୍ସା ସମ୍ଭବ ହୋଇଥିଲା ଏବଂ ପରିବାର ଲୋକଙ୍କ ମୁହଁରେ ଖୁସି ଫେରିଥିଲା।

ଉଲ୍ଲେଖନୀୟ ଯେ, ସଞ୍ଜୀବ ସୁବୁଦ୍ଧି ଏହା ପୂର୍ବରୁ ୨୦ରୁ ଅଧିକ ଥର ରକ୍ତଦାନ କରି ଅନେକ ରୋଗୀଙ୍କ ଜୀବନ ରକ୍ଷାରେ ସହଯୋଗ କରିଛନ୍ତି। ତାଙ୍କର ଏହି ନିରନ୍ତର ସେବାଭାବ ଯୁବପିଢ଼ୀଙ୍କ ପାଇଁ ପ୍ରେରଣା ପାଲଟିଛି। “ରକ୍ତଦାନ ହେଉଛି ମହାଦାନ, ଏକ ୟୁନିଟ୍ ରକ୍ତ କାହାର ଜୀବନ ବଞ୍ଚାଇପାରେ” ବୋଲି ସଞ୍ଜୀବ ସୁବୁଦ୍ଧି କହିଛନ୍ତି।

ସ୍ଥାନୀୟ ଅଞ୍ଚଳବାସୀ ତାଙ୍କର ଏହି ମହତ୍ କାର୍ଯ୍ୟକୁ ଭୁରିଭୁରି ପ୍ରଶଂସା କରିବା ସହ ତାଙ୍କୁ ଜଣେ ପ୍ରକୃତ ସମାଜସେବୀ ଭାବେ ଅଭିହିତ କରିଛନ୍ତି। “ରକ୍ତଦାନ ଜୀବନଦାନ — ଏହି ବାର୍ତ୍ତାକୁ ସାର୍ଥକ କରିଛନ୍ତି ସଞ୍ଜୀବ ସୁବୁଦ୍ଧି।” 🩸