ସହିଦ ପ୍ରକାଶଙ୍କ ସ୍ମୃତି ଦିବସ ପାଳିତ

ସହିଦ ପ୍ରକାଶଙ୍କ ସ୍ମୃତି ଦିବସ ପାଳିତ
ବୁଗୁଡା : ତା ୦୭/୦୫/୨୩ : ବୁଗୁଡ଼ା ବ୍ଳକ ଅନ୍ତର୍ଗତ ବେଠିଆ ବୋରଦା ଗ୍ରାମସ୍ଥ ପ୍ରାଥମିକ ବିଦ୍ୟାଳୟରେ ସହିଦ ପ୍ରକାଶ କୁମାର ବେହେରାଙ୍କ ସ୍ମୃତି ଦିବସ ପାଳିତ ହୋଇଯାଇଛି । ଏ ଅବସରରେ ତାଙ୍କର ଆବକ୍ଷ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ ପୂର୍ବକ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଏଥି ସହ ପ୍ରଦୀପ କୁମାର ବେହେରାଙ୍କ ଆବାହକତ୍ବ ଏବଂ ଅବସରପ୍ରାପ୍ତ ପ୍ରଧାନ ଶିକ୍ଷକ ଗୌରୀଶଙ୍କର ମିଶ୍ରଙ୍କ ସଭାପତିତ୍ବରେ ଅନୁଷ୍ଠିତ ସ୍ମୃତି ଚାରଣ ସଭାରେ ଅତିଥି ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ଅନନ୍ତ କର, କ୍ରୀଡା ଶିକ୍ଷକ ଗୋପାଳ ପାତ୍ର , ଶିକ୍ଷକ ସୀତାରାମ ତ୍ରିପାଠୀ ପ୍ରମୁଖ ଯୋଗ ଦେଇ ସହିଦ ପ୍ରକାଶଙ୍କ ସ୍ମୃତି ଚାରଣ କରିଥିଲେ । ଏ ଅବସରରେ ଅବସରପ୍ରାପ୍ତ ଶିକ୍ଷକ କାମରାଜୁ ସାହାଣୀ ଓ ଚକ୍ରପାଣି ଖାଡ଼ଙ୍ଗାଙ୍କୁ ସମ୍ବର୍ଦ୍ଧିତ ଏବଂ ବିଭିନ୍ନ ପ୍ରତିଯୋଗିତାର କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ପରିଶେଷରେ ଭଗବାନ ଗୌଡ ଧନ୍ୟବାଦ ଅର୍ପଣ କରିଥିଲେ । ପ୍ରକାଶ ଯୋଗ୍ୟ ଯେ, ସ୍ବର୍ଗତ ପ୍ରକାଶ କୁମାର ବେହେରା ଭାରତୀୟ ନୌସେନାରେ କାର୍ଯ୍ଯରତ ଥିବାବେଳେ ଗତ ୨୦୧୭ ମସିହା ଆଜିର ଦିନରେ ସହିଦ ହୋଇଥିଲେ ।