ପଡୋଶୀଙ୍କୁ ଆକ୍ରମଣ ଘଟଣାରେ ଜଣେ ଗିରଫ
ବୁଗୁଡ଼ା : ତା ୨୫/୦୪/୨୩ : ବୁଗୁଡ଼ା ଥାନା ଅନ୍ତର୍ଗତ ଘୋଳପୁର ଗ୍ରାମରେ ପଡୋଶୀଙ୍କୁ ଆକ୍ରମଣ ଘଟଣାରେ ଆଜି ଜଣେ ଗିରଫ ହୋଇ କୋର୍ଟ ଚାଲାଣ ହୋଇଥିବା ନେଇ ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି । ଗିରଫ ଜଣକ ହେଲେ ଘୋଳପୁର ଗାଁର ଅମୂଲ୍ୟ ନାଇକ । ପ୍ରକାଶ ଯେ ,ଗତ ମାସରେ ପୂର୍ବ ଶତ୍ରୁତାକୁ କେନ୍ଦ୍ର କରି ଅମୂଲ୍ୟ ନାଇକ ଏବଂ ତାଙ୍କ ପଡୋଶୀ ହାଡିଆ ନାଇକଙ୍କ ମଧ୍ୟରେ ଝଗଡା ଲାଗିଥିଲା । ଝଗଡା ତୀବ୍ରତର ହେବାରୁ କ୍ରୋଦ୍ଧ ସମ୍ବରଣ କରିନପାରି ଅମୂଲ୍ୟ ଏକ ଟାଙ୍ଗିଆରେ ହାଡିଆଙ୍କୁ ଆକ୍ରମଣ କରିଥିଲେ । ଏଥିରେ ହାଡିଆଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା ଏବଂ ସେ ମେଡିକାଲରେ ଭର୍ତ୍ତି ହୋଇଥିଲେ । ଏ ନେଇ ହାଡିଆ ବୁଗୁଡ଼ା ଥାନାରେ ଅଭିଯୋଗ କରିବା ପରେ କେସ୍ ନଂ ୨୧୦/୨୩ରେ ଏକ ମାମଲା ରୁଜୁ ହୋଇଥିଲା । ଘଟଣା ପରଠାରୁ ଅମୂଲ୍ୟ ଫେରାର ଥିବା ବେଳେ କୌଣସି ସୂତ୍ରରୁ ଖବର ପାଇ ପୋଲିସ ତାଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଥିବା ଜଣାଯାଇଛି ।
ରିପୋର୍ଟ ବୁଗୁଡ଼ା ହର ପ୍ରସାଦ ପାଢି
