ଖୋଳଖାଳିରେ ମା ବୁଢୀ ଠାକୁରାଣୀଙ୍କ ମନ୍ଦିର ପ୍ରତିଷ୍ଠା ଉପଲକ୍ଷେ କଳସ ଯାତ୍ରା 

ବୁଗୁଡା : ତା ୧୯/୦୪/୨୩ : ବୁଗୁଡ଼ା ବ୍ଲକ ଅନ୍ତର୍ଗତ ଖୋଳଖାଳି ଗ୍ରାମରେ ମା ବୁଢୀ ଠାକୁରାଣୀଙ୍କ ମନ୍ଦିର ପ୍ରତିଷ୍ଠା ଏବଂ ଚବିଶ ପ୍ରହର ଅଖଣ୍ଡ ନାମଯଜ୍ଞ ଉପଲକ୍ଷେ କଳସ ଯାତ୍ରା ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ କର୍ତ୍ତା ଭାବେ ଶିବାଜୀ ସାମଲ ସସ୍ତ୍ରୀକ ଯୋଗ ଦେଇଥିବା ବେଳେ ମୁଖ୍ୟ ପୁରୋହିତ ରାମକୃଷ୍ଣ ନନ୍ଦଙ୍କ ସମେତ ୧୧ ଜଣ ପୁରୋହିତଙ୍କ ଦ୍ଵାରା ଯଥା ରୀତିନୀତି ପ୍ରକାରେ ପୂଜାପାଠ ପରେ ଶତାଧିକ ପୁରୁଷ ଓ ମହିଳା ଗ୍ରାମର ବଡ ବନ୍ଧରୁ କଳସରେ ଜଳ ଘେନି ମନ୍ଦିର ସ୍ଥଳକୁ ଆସିଥିଲେ । ଏ ଅବସରରେ ଦୀକ୍ଷା ଗ୍ରହଣ, ଅଙ୍କୁରାରୋପଣ ଏବଂ ନାମ ଅଧିବାସ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।