ଚାକିରିରୁ ଅବସରକୁ ନିଆରା ଢଙ୍ଗରେ ପାଳନ

ସୋନପୁର, ୦୨ା୦୪ – ସୋନପୁର କୃଷି କାର୍ଯ୍ୟାଳୟରେ ସେକ୍ସନ ଅଫିସର ଭାବେ କାର୍ଯ୍ୟରତ ପଠାଣ କୁମାର ପଣ୍ଡାଙ୍କ ଚାକିରିରୁ ଅବସର ଦିନକୁ ନିଆରା ଢଙ୍ଗରେ ପାଳନ କରିଛନ୍ତ । ଏହି ଅବସରରେ ନାଚ ଗୀତ ସହ କବିତା ପାଠୋତ୍ସବ, ଆଲୋଚନାଚକ୍ର ଏବଂ ଦେଶୀ ଖାଦ୍ୟର ଆସର ଜମିଥିଲା । ହଜାର ହଜାର ଅତିଥିଙ୍କ ଗହଣରେ ଅବସର ସମାରୋହ ପାଳିତ ହୋଇଥିଲା । ସରକାରୀ ଚାକିରିରୁ ଅବସର ନେଇ ମୋତେ ଦୁଃଖ ଲାଗୁନାହିଁ ବରଂ ସୁବର୍ଣ୍ଣପୁରର କଳା, ସଂସ୍କୃତିର ପ୍ରଚାର ପ୍ରସାର ପାଇଁ ମୋତେ ଅଧିକ ସମୟ ମିଳିବ ବୋଲି ପଠାଣ କୁମାର ପଣ୍ଡା କହିଛନ୍ତି ।