ଦୁର୍ନୀତି ନିବାରଣ ପାଇଁ ଶୋଭାଯାତ୍ରା ସହ ଶପଥ ପାଠ
କାଶୀନଗର (ଅନନ୍ତ ଆପଟ )
ତା 28/10/24
କାଶୀନଗର ବ୍ଲକ କାର୍ଯ୍ୟାଳୟ ପରିସରରେ ଦୁର୍ନୀତି ନିବାରଣ ସପ୍ତାହ ପାଳନ ଅବସରରେ ଏକ ଶୋଭାଯାତ୍ରା ବାହାରି କାଶୀନଗର ସହର ପରିକ୍ରମା କରିଥିଲା. ଏହି ପରିକ୍ରମା ସମୟରେ ଶୋଭାଯାତ୍ରା ରେ ଅଂଶ ଗ୍ରହଣ କରିଥିବା ମହିଳା ସ୍ୱୟଂ ସହାୟକ ମା, ଅଙ୍ଗନବାଡି କର୍ମୀ, ଏମ.ବି.କେ, ସି.ଆର.ପି ର ମହିଳା ମାନେ ଦୁର୍ନୀତି ନିବାରଣ ପାଇଁ ବିଭିନ୍ନ ସ୍ଲୋଗାନ ଦେଇ ସହର ବାସୀଙ୍କୁ ସଚେତନ କରିଥିଲେ. ଏହା ପରେ କାଶୀନଗର ବିଜୁ କଲ୍ୟାଣ ମଣ୍ଡପ ଠାରେ ସମସ୍ତ ବିଭାଗୀୟ ଅଧିକାରୀମାନେ ଏକତ୍ରିତ ହୋଇ
ସ୍ଥାନୀୟ ବିଡ଼ିଓ ତଥା ଦାୟିତ୍ୱ ନେଇଥିବା ତହସିଲଦାର ଡ଼ମ୍ବୁରୁ ଧର ମଲ୍ଲିକ କାଶୀନଗର ସହରରୁ ଦୁର୍ନୀତିର ମୂଳପୋଛ କରିବା ପାଇଁ ଏକ ଶପଥ ପାଠ କରେଇ ଥିଲେ. ଏହି କାର୍ଯ୍ୟକ୍ରମ ରେ ସ୍ଥାନୀୟ ବିଡ଼ିଓ ତଥା ଦାୟିତ୍ୱରେ ଥିବା ତହସିଲଦାର ଡ଼ମ୍ବୁରୁଧର ମଲ୍ଲିକ, ଅତିରିକ୍ତ ତହସିଲଦାର ତ୍ରିନାଥ ସାହୁ, କାର୍ଯ୍ୟ ନିର୍ବାହୀ ଅଧିକାରୀ ଭାଗବତ ସାହୁ, ସିଡିପିଓ କନକ ଲତା ପୂଜାରୀ କାର୍ଯ୍ୟକ୍ରମ ରେ ସାମିଲ ହୋଇଥିଲେ.
