ଟ୍ରକ ପରିବହନରେ ଓଭରଲୋଡିଙ୍ଗ : ବଢୁଛି ସମସ୍ୟା, କାର୍ଯ୍ୟାନୁଷ୍ଠାନ ଢିଲା
ସମ୍ବଲପୁର,(ରାଜାରାମ ଷଡ଼ଙ୍ଗୀ):
ପଶ୍ଚିମ ଓଡିଶାର ଔଦ୍ୟୋଗିକ ଓ ଖଣିଅଞ୍ଚଳ, ଯେଉଁମାନଙ୍କ ମଧ୍ୟରେ ସୁନ୍ଦରଗଡ଼, ଝାରସୁଗୁଡ଼ା ଓ ସମ୍ବଲପୁର ସାମିଲ ଅଛି ସେଠାକାର ଓଭରଲୋଡ ଟ୍ରକ୍ ମାନଙ୍କ ସମସ୍ୟା ଲଗାତାର ବୃଦ୍ଧି ପାଉଛି। ଏହି ଟ୍ରକ୍ କେବଳ ସଡ଼କର ଭୂମିକାଗତ ଗଠନକୁ ଗୁରୁତର ଭାବେ କ୍ଷତି କରୁନାହିଁ , ବରଂ ସାର୍ବଜନୀନ ସୁରକ୍ଷାକୁ ମଧ୍ୟ ବିପଦରେ ପକାଇ ଦେଉଛି।ବିଶେଷକରି ଛତିଶଗଡ଼ ଦିଗରେ ଯାଉଥିବା ଏହି ଓଭରଲୋଡ ଟ୍ରକ ଗୁଡିକ ଦ୍ୱାରା ଦୁର୍ଘଟନା ବଢୁଥିବା ସହ ସଡ଼କର ମଧ୍ୟ କ୍ଷତି ଦିନକୁ ଦିନ ବଢ଼ି ଚାଲିଛି ।
ଏହି ଜାଞ୍ଚ ସମୟରେ ଜଣାପଡ଼ିଛି ଯେ, ଅନେକ ପ୍ରମୁଖ କମ୍ପାନୀର ଟ୍ରକ୍ ନିୟମିତ ଭାବରେ ଓଭରଲୋଡ କରିବାରେ ଜଡିତ ଅଛନ୍ତି।ଯେଉଁମାନଙ୍କ ମଧ୍ୟରେ ଶ୍ୟାମ ଡି.ଆର.ଆଇ., ବିରାଜ ଷ୍ଟିଲ୍, ଏସ.ଏମ.ସି.-୧, ଏସ.ଏମ.ସି.-୨, ଏଲ.ଏନ. ଇସ୍ପାତ୍, ଆର୍ଯ୍ୟନ ଇସ୍ପାତ୍, ରାଥି ଷ୍ଟିଲ୍, ଓ ବି.ଆର. ଷ୍ଟିଲ୍ ଅଛନ୍ତି। ଏହାର ଫଳରେ ସଂପୂର୍ଣ୍ଣ ଅଞ୍ଚଳର ସଡ଼କର ଅବସ୍ଥା ଦିନକୁ ଦିନ ଖରାପ ହୋଇଯାଉଛି। ଯାହା ସ୍ଥାନୀୟ ନିବାସୀ ଓ ଯାତ୍ରୀମାନଙ୍କ ସୁରକ୍ଷାକୁ ପ୍ରଭାବିତ କରୁଛି।
ଭ୍ରଷ୍ଟାଚାର ଓ ମିଳିଭଗତର ଅଭିଯୋଗ
ଏକ ବିଶ୍ୱସ୍ତ ସୂତ୍ରଅନୁଯାୟୀ, ସୁନ୍ଦରଗଡ଼, ଝାରସୁଗୁଡ଼ା ଓ ସମ୍ବଲପୁର ଜିଲ୍ଲାର ଆର.ଟି.ଓ. (କ୍ଷେତ୍ରୀୟ ପରିବହନ କାର୍ଯ୍ୟାଳୟ) ଓ ଏମ.ଭି.ଆଇ. (ମୋଟର ଭେହିକଲ୍ ନିରୀକ୍ଷକ) କର୍ମଚାରୀମାନଙ୍କୁ କିଛି ଟ୍ରକ୍ ମାଲିକଙ୍କଠାରୁ ଲାଞ୍ଚ ନେଇ ଓଭରଲୋଡିଂକୁ ଅନୁମତି ଦେଉଥିବା ଅଭିଯୋଗ ହୋଇଛି।ଛତିଶଗଡ଼ରୁ ଆସୁଥିବା ଟ୍ରକମଧ୍ୟ ଏଥିରେ ଥିବା ଅଭିଯୋଗ ହୋଇଛି।ଯାହାକି ସମସ୍ୟାକୁ ଅଧିକ ଜଟିଳ କରୁଛି। ସାଧାରଣ ଲୋକମାନେ ଅଭିଯୋଗ କରୁଛନ୍ତି ଯେ ଭ୍ରଷ୍ଟ ଅଧିକାରୀ ଓ ଟ୍ରକ୍ ଅପରେଟରମାନଙ୍କର ମିଳିଭଗତେ କାରଣରୁ ଏହି ସମସ୍ୟା ଦିନକୁ ଦିନ ଭୟଙ୍କର ରୂପ ଧାରଣ କରଛି।
ଏହି ସମସ୍ୟା ବଢୁଥିବା ଯୋଗୁଁ ପଶ୍ଚିମ ଓଡିଶାବାସୀ ପରିବହନ ବିଭାଗ, ପୋଲିସ, ଓ ତତ୍ପରତା ବିଭାଗଙ୍କୁ ଏହି ମାମଲାରେ ଯୁକ୍ତ ଭାବରେ ହସ୍ତକ୍ଷେପ କରିବାକୁ ଦାବି କରିଛନ୍ତି। ଏପରିକି ଓଭରଲୋଡିଂ ବିରୋଧରେ ଦୃଢ଼ ପଦକ୍ଷେପ ଗ୍ରହଣ କରାଯାଇ ଏଥିରେ ଜଡିତ ସମସ୍ତ ଦୋଷୀଙ୍କ ବିରୋଧରେ ଆଇନ ଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହେଉଛି।
ଯଦି ଏହାର ତ୍ୱରିତ କାର୍ଯ୍ୟବାହୀ ପଦକ୍ଷେପ ଗ୍ରହଣ କରାନଯାଏ ତେବେ କେବଳ ରାଜ୍ୟର ସମୃଦ୍ଧି ଗଠନରେ କେଵଳ ଭୟଙ୍କର କ୍ଷତି ହେବ ନାହିଁ ବରଂ , ଅନ୍ୟପକ୍ଷରେ ସରକାରୀ ସ୍ୱାଧୀନତା ମଧ୍ୟ ପ୍ରଭାବିତ ହେବାର ଆଶଙ୍କା ରହିଛି।ଏହି ଓଭରଲୋଡିଂ ସମସ୍ୟାର ସମାଧାନ ନହେଲେ ରାସ୍ତା ଖରାପ ହେବା ସାଙ୍ଗକୁ ଜନଜୀବନ ମଧ୍ୟ ନଷ୍ଟ ହେବାର ବହୁମାତ୍ରାରେ ଆଶଙ୍କା ରହିଛି।ଏହି ବିଷୟରେ ଜଣାପଡିବା ପରେ ସମ୍ବଲପୁର ଆର.ଟି.ଓ. ଏହି ଶିଳ୍ପଗୁଡ଼ିକୁ ପତ୍ର ଲେଖି ଓଭରଲୋଡିଂ ଟ୍ରକ୍ ଯାନକୁ ବନ୍ଦ କରିବା ଓ ସାମଗ୍ରୀ ପଠାଇବା ବନ୍ଦ କରିବାକୁ ସମ୍ପୃକ୍ତ କମ୍ପାନୀ ମାନଙ୍କୁ ଚିଠି ଲେଖି ତାଗିଦ କରିଛନ୍ତି।କିନ୍ତୁ ଏହି କମ୍ପାନୀ ମାନଙ୍କ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ଓଲଟା ସମ୍ବଲପୁର ର ମୋତିଝରଣ, ସୁନାପାଲି, ଗୋଡ଼ଭାଗା, ବରଗଡ଼ର କିଛି ଟ୍ରକ ମାଲିକ ସହିତ ରାୟପୁର ଓ ସରେଇପାଲି ଅଞ୍ଚଳ କେତେକ ଟ୍ରକ ମାଲିକ ନିଜର ଜୋର ଜବରଦସ୍ତି ଟ୍ରକ ପରିବହନ କରୁଥିବା ଅଭିଯୋଗକୁ ଆଧାର କରି ବିହିତ ପଦକ୍ଷେପ ନେବାକୁ ଦାବି ହେଉଛି।
