ଟ୍ରାନ୍ସଜେଣ୍ଡର ଏବଂ ଅନ୍ୟାନ୍ୟ ଲିଙ୍ଗ ସମ୍ପର୍କିତ ସଚେତନତା ଶିବିର ଅନୁଷ୍ଠିତ।
ରାୟଗଡ଼ା: ରାୟଗଡ଼ା ସହର ଉପଖଣ୍ଡ ପିତାମହଲ ସ୍ଥିତ ସେଞ୍ଚୁରିଅନ ବିଶ୍ୱବିଦ୍ୟାଳୟ ପରିସରରେ ମା ମାଝିଗୌରୀ ସିବିଓ ଓ ସାଥୀ ଏନଜିଓ ଏବଂ ସେଞ୍ଚୁରିଅନ ବିଶ୍ଵବିଦ୍ୟାଳୟ, ରାୟଗଡ଼ା ର ମିଳିତ ଆନକୂଲ୍ୟରେ ଟ୍ରାନ୍ସଜେଣ୍ଡର ଏବଂ ଅନ୍ୟାନ୍ୟ ଲିଙ୍ଗ ଯୌନ ସଂଖ୍ୟାଲଘୁ ବ୍ୟକ୍ତିବିଶେଷ ସମ୍ପର୍କିତ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି କିନ୍ନର ଏବଂ ଲିଙ୍ଗଗତ ଓ ଯୌନ ସଙ୍ଖ୍ୟାଲଘୁ ବ୍ୟକ୍ତିମାନଙ୍କ ପାଇଁ ଉଚ୍ଚ ଶିକ୍ଷାରେ ସମାବେଶିତା ଦିଗରେ ଯାତ୍ରା ଆରମ୍ଭ କରିବା । ସଭିଏଁ ଲିଙ୍ଗଗତ ଭେଦଭାବ ନରଖି ସମସ୍ତଙ୍କୁ ସମାନ ନଜରରେ ଦେଖିବା ସହ ସମ୍ମାନ ଦେବା ନେଇ ଛାତ୍ରଛାତ୍ରୀଙ୍କ ମଧ୍ୟରେ ସଚେତନତା ସୃଷ୍ଟି କରାଯାଇଥିଲା। ଏହି କାର୍ଯ୍ୟକ୍ରମରେ ମା ମାଝିଗୌରୀ ସିବିଓର ସମ୍ପାଦକ ଶିଶିରକାନ୍ତ ମହାପାତ୍ର (ପିଙ୍କି), ମା ଓ ମାଝି ଗୌରୀ ସିବିଓର ସଭାପତି କାନ୍ଥରାଓ କୋଣ୍ଡାଗୋରୀ (କାଜଲ) ଏବଂ ସାଥୀର ଆସୋସିଏଟ ପ୍ରୋଜେକ୍ଟ ମ୍ୟାନେଜର ଶର୍ମିଷ୍ଠା ଦାସ, ସାଥୀର ସହକାରୀ ନିର୍ଦ୍ଦେଶକ ଶ୍ରୀଯୁକ୍ତ ବିଶ୍ଵଭୂଷଣ ପଟ୍ଟନାୟକ, ସେଞ୍ଚୁରିଅନ ବିଶ୍ୱବିଦ୍ୟାଳୟ ର ଫାର୍ମାସୀ ଅଧ୍ୟକ୍ଷ ଚନ୍ଦ୍ରଶେଖର ପାତ୍ର, ନର୍ସିଂ ଅଧ୍ୟକ୍ଷ କେ.ଉର୍ମିଳାଙ୍କ ସମେତ ସମସ୍ତ ଶିକ୍ଷକ, ଶିକ୍ଷୟତ୍ରୀ ଏବଂ ଉଭୟ ଫାର୍ମାସୀ ଓ ନର୍ସିଂ ଛାତ୍ରଛାତ୍ରୀ ଉପସ୍ଥିତ ଥିଲେ।
ରାୟଗଡା ରୁ ଅମୁଲ୍ୟ ନିଶଙ୍କ ଙ୍କ ରିପୋର୍ଟ
