ପିପୁଲ୍ସ ହାଇସ୍କୁଲ ୧୯୬୦ ମାଟ୍ରିକ ବ୍ଯାଚର ବନ୍ଧୁମିଳନ
ବୁଗୁଡ଼ା : ତା ୧୨/୦୩/୨୩ : ପ୍ରସିଦ୍ଧ ଶୈବପୀଠ ବୁଦ୍ଧଖୋଲର ପାଦଦେଶସ୍ଥ କଲ୍ଯାଣୀ ମଣ୍ଡପ ଠାରେ ବୁଗୁଡ଼ା ପିପୁଲ୍ସ ହାଇସ୍କୁଲ ୧୯୬୦ ମ୍ଯାଟ୍ରିକ୍ ବ୍ଯାଚର ବନ୍ଧୁମିଳନ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଶିଶିର କୁମାର ଦାଶ , ବିପ୍ର ଚରଣ ପରିଡା , କେ.ଗାନ୍ଧୀ ଚୌଧୁରୀ , କେ.ରାଜ ଗୋପାଳ ପାତ୍ର , କୈଳାସ ଚନ୍ଦ୍ର ହୋତା , ଗଦାଧର ଦାଶ , ଚିତ୍ତ ରଞ୍ଜନ ଦାଶ , ଖଲି ହୋତା , ଶରତ ଚନ୍ଦ୍ର ପଟ୍ଟନାୟକ, ଲଡୁ କିଶୋର ମିଶ୍ର ପ୍ରମୁଖ ସପରିବାର ଯୋଗ ଦେଇଥିଲେ । ଏ ଅବସରରେ ଦିବଂଗତ ସହପାଠୀମାନଙ୍କ ଅମର ଆତ୍ମାର ସଦଗତି ପାଇଁ ନୀରବ ପ୍ରାର୍ଥନା ସହ ସେମାନଙ୍କ ସ୍ମୃତି ଚାରଣ କରାଯାଇଥିଲା । ଏଥି ସହ ବାର୍ଦ୍ଧକ୍ୟରେ ଉପନିତ ସହପାଠୀମାନେ ପରସ୍ପର ମଧ୍ୟରେ ସ୍ମୃତି ଫଳକ ବଣ୍ଟନ ସହ ଆଲୋଚନା ମାଧ୍ୟମରେ ସେମାନଙ୍କ ଅଧ୍ଯୟନ କାଳର ସ୍ମୃତି ଓ ଅନୁଭୂତିକୁ ଉଜ୍ଜୀବିତ କରି ଖୁସି ସାଉଁଟି ଥିଲେ ।
