ପଡ଼ିଆବାହାଲ ରେ ସତସଙ୍ଗ କାର୍ଯ୍ୟକ୍ରମ 

ସମ୍ବଲପୁର :ପଡିଆ ବାହାଲ ଅଞ୍ଚଳ ର ସତସଙ୍ଗୀ ମାନଙ୍କ ଉଦ୍ୟୋଗ ରେ ପଡିଆବାହାଲ ସ୍ଥିତ ବେହେରା କଲ୍ୟାଣ ମଣ୍ଡପ ଠାରେ ଆଜି ଶ୍ରୀ ଶ୍ରୀ ଠାକୁର ଅନୁକୂଳ ଚନ୍ଦ୍ର ଙ୍କ ର ଏକ ବିଶେଷ ସତସଙ୍ଗ ଅନୁଷ୍ଠିତ ହୋଇଯାଇଛି l

ଏଥିରେ ସମ୍ବଲପୁର ସତସଙ୍ଗ ବିହାର ଆଗତ ଶ୍ରୀ ଲକ୍ଷ୍ମୀଧର ସାହୁ ଅଧ୍ୟକ୍ଷତା କରିଥିବା ବେଳେ, ଭୋଜପୁର ଆଗତ ଡାକ୍ତର ଶରତ କୁମାର ଦେହୁରୀ, ସମ୍ବଲପୁର ର କାର୍ତିକ ଲେଙ୍କା, ଚୈତନ୍ୟ ବିଶି ପ୍ରସନ୍ନ ପରିଡ, ବାମରା ର ଚିତ୍ତ ରଞ୍ଜନ ପରିଜା ଓ ପଡ଼ିଆବାହାଲ ସ୍ଥାନୀୟ ବରିଷ୍ଟ ସାମ୍ବାଦିକ ଡାକ୍ତର ରାଜାରାମ ଷଡ଼ଙ୍ଗୀ ଓ ଯଶୋବନ୍ତ ସାହୁ ସମ୍ମାନିତ ଅତିଥି ରୂପେ ଯୋଗ ଦେଇଥିଲେl ବାମରାର ଜୟନ୍ତ କୁମାର ଦାସ ମୁଖ୍ୟ ବକ୍ତା ଭାବେ ଯୋଗ ଦେଇ ମଣିଷ ଜୀବନରେ ଗୁରୁ ଙ୍କ ଭୂମିକା ଓ ଠାକୁର ଙ୍କ ଭାବଧାରା ଉପରେ ଖୁବ ସୁନ୍ଦର ଓ ଆକାର୍ଷଣୀୟ ବକ୍ତ୍ୟବ୍ୟ ରଖିଥିଲେ l

ସମ୍ବଲପୁର ଆଗତ ଫକୀର ମଲ୍ଲିକ, ହରିବଂଶ ସେଠ,ପୁର୍ଣ ଚନ୍ଦ୍ର ସାହୁ ଙ୍କ ଭଜନ କୀର୍ତନ ବେଶ ମନଛୁଆଁ ହୋଇଥିବା ବେଳେ ସଂଜୀବ ପଟେଲ, ପ୍ରାରମ୍ଭିକ ସୂଚନା ମାଧ୍ୟମରେ ଏ ବିଶେଷ ସତସଙ୍ଗ ର ମୁଖ୍ୟ ଉଦ୍ଦେଶ୍ୟ ଉପରେ ଆଲୋକ ପାତ କରି, ମଣିଷ ଜୀବନରେ କେମିତି ପରିବର୍ତନ ଆସିବ ତା ଉପରେ ସମ୍ୟକ ସୂଚନା ଦେଇଥିଲେ l

ଏ ସତସଙ୍ଗ କୁ ଜିତେନ୍ଦ୍ର ସାହୁ, ରବୀନ୍ଦ୍ର ସାହୁ, ମନୋଜ ସାହା, ଖିରୋଦ ମାଝୀ, ପ୍ରମୋଦ ମିର୍ଧା, ଭୁବନେଶ୍ୱର ପ୍ରଧାନ,କୁନୁ ପଶୟତ ପ୍ରମୁଖ ପରିଚାଳନାରେ ସହଯୋଗ କରିଥିଲେl