ଶ୍ରାବଣୀ ଉପାକର୍ମ ମହାପର୍ବ ପାଳିତ , ୫୧ କୁଣ୍ଡୀୟ ବୈଦିକ ବିଶ୍ବଶାନ୍ତି ମହାଯଜ୍ଞ ଅନୁଷ୍ଠିତ 

    ବୁଗୁଡ଼ା : ତା ୨୦/୦୮/୨୪ : ସ୍ଥାନୀୟ ବଳଦେବ ମନ୍ଦିର କଲ୍ଯାଣୀ ମଣ୍ଡପ ପରିସରରେ ଦୟାନନ୍ଦ ବୈଦିକ ଯୋଗାଶ୍ରମ ପକ୍ଷରୁ ଶ୍ରାବଣୀ ଉପାକର୍ମ ମହାପର୍ବ ପାଳିତ ହୋଇଯାଇଛି । ଉକ୍ତ ମହାର୍ଘ ଅବସରରେ ଯଥା ରୀତିନୀତି ପ୍ରକାରେ ୫୧ କୁଣ୍ଡୀୟ ବୈଦିକ ବିଶ୍ବଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି । ବୈଦିକ ବିଦ୍ବାନ ଆଚାର୍ଯ୍ୟ ସୁଦର୍ଶନ ଦେବ ଓ ବ୍ରହ୍ମଚାରୀ ସ୍ମୃତିପ୍ରିୟଙ୍କ ତତ୍ତ୍ବାବଧାନରେ ଉକ୍ତ ମହାଯଜ୍ଞ ଅନୁଷ୍ଠିତ ହୋଇଥିଲା । ଅଞ୍ଚଳରେ ବୈଦିକ ସନାତନ ସଂସ୍କୃତିର ରକ୍ଷା ପାଇଁ ଧର୍ମଗ୍ରନ୍ଥ ବେଦ ଉପରେ ବ୍ଯାପକ ଆଲୋଚନା କରାଯାଇଥିଲା । ଏଥିରେ ବେଦ ଶ୍ରଦ୍ଧାଳୁ ତଥା ସଂସ୍କୃତିନିଷ୍ଠ ବ୍ଯକ୍ତିଗଣ ଅଂଶ ଗ୍ରହଣ କରିଥିଲେ । ମହାନ ସଂସ୍କୃତିର ବାର୍ତ୍ତା ବହନ କରୁଥିବା ଏହି ଶ୍ରାବଣୀ ମହାପର୍ବ ପାଳନ କାର୍ଯ୍ୟକ୍ରମକୁ ବୈଦିକ ଯୋଗାଶ୍ରମର ସଭାପତି ଡାକ୍ତର ଦୟାନିଧି ରାଉତ , ଉପସଭାପତି ରଘୁନାଥ ସାହୁ , ସମ୍ପାଦକ ବିପିନ ବିହାରୀ ପଟ୍ଟନାୟକ ପରିଚାଳନା କରିଥିବା ବେଳେ ସଭ୍ଯ ୟୁ. ପୂର୍ଣ୍ଣଚନ୍ଦ୍ର ପାତ୍ର ଓ ସଭ୍ଯା ସୁକାନ୍ତି ରାଜଗୁରୁଙ୍କ ସମେତ ଅନ୍ୟମାନେ ସହଯୋଗ କରିଥିଲେ ।