ମହାଦେବ ସହାୟକ ଗୋଷ୍ଠୀର ସଭାପତି ଭାବେ ଯୁବ ସାମ୍ବାଦିକ ଜଗନ୍ନାଥ ମନୋନୀତ

ବେଲଗୁଣ୍ଠା, 03/03, ବେଲଗୁଣ୍ଠା ବ୍ଲକ୍୍ ଖଇରପୁଟି ଗ୍ରାମର ମହାଦେବ ସହାୟକ ଗୋଷ୍ଠୀର କର୍ମକର୍ତ୍ତା ଚୟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏହି ଅବସରରେ ଯୁବ ସାମ୍ବାଦିକ ଜଗନ୍ନାଥ ନାୟକଙ୍କୁ ସଭାପତି ରୂପେ ମନୋନୀତ କରାଯାଇଛି I ସେହିପରି ଅନୁଷ୍ଠାନର ଉପସଭାପତି ରୂପେ ଦୀପକ କୁମାର ବିଷୋୟୀ, ସଂଯୋଜକ ରୂପେ ସାଗର କୁମାର ଗୌଡ଼, ଉପଦେଷ୍ଟା ରୂପେ ସୀମାଞ୍ଚଳ ସାହୁ ଏବଂ ଡ଼ିଜିଟାଲ ଆଇକନ ରୂପେ ଗଙ୍ଗାଧର ସ୍ୱାଇଁଙ୍କୁ ସର୍ବସମ୍ମତି ରୂପେ ମନୋନୀତ କରାଯାଇଛି I ପ୍ରକାଶ ଥାଉକି ଏହି ସଙ୍ଗଠନ ଅଞ୍ଚଳରେ ରକ୍ତଦାନ ଶିବିର, ପରିବେଶ ସୁରକ୍ଷା ଭଳି କାର୍ଯ୍ୟକ୍ରମ ଜାରି ରଖିଥିବା ବେଳେ ଆଗାମୀ ଦିନରେ ଶିକ୍ଷା, ସ୍ୱାସ୍ଥ୍ୟ ସେବା ଭଳି କାର୍ଯ୍ୟକ୍ରମ ହାତକୁ ନିଆଯିବ ବୋଲି ସଭାପତି ଶ୍ରୀ ନାୟକ ପ୍ରକାଶ କରିଛନ୍ତି I