ବିଜେପିରେ ମିଶିଲେ ପୂର୍ବତନ ବିଧାୟକ ସିମାଞ୍ଚଳ ବେହେରା…

ବୁଗୁଡା : ତା ୧୦/୦୫/୨୪ : ଆସନ୍ତା ମେ ୨୦ ତାରିଖ ଦିନ ଆସ୍କା ଲୋକସଭା ଓ ପୋଲସରା ବିଧାନସଭା ନିର୍ବାଚନ ହେବାକୁ ଯାଉଥିବା ବେଳେ ଆଜି ପୂର୍ବତନ କଂଗ୍ରେସ ବିଧାୟକ ସିମାଞ୍ଚଳ ବେହେରା ବିଜେପିରେ ସାମିଲ ହୋଇଛନ୍ତି । ବୁଗୁଡା ବିଜେପି କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବ ଅବସରରେ ସେ ବିଜେପିରେ ସାମିଲ୍ ହୋଇଛନ୍ତି । ପୋଲସରା ବିଜେପି ବିଧାୟକ ପ୍ରାର୍ଥୀ ତଥା ଘୁମୁସର ସାଂଗଠନିକ ଜିଲ୍ଲା ସଭାପତି ଗୋକୁଳାନନ୍ଦ ମଲ୍ଲିକ ତାଙ୍କୁ ଦଳୀୟ ଉତ୍ତରୀୟ ପ୍ରଦାନ ପୂର୍ବକ ତାଙ୍କୁ ଦଳର ନୂତନ ସଦସ୍ୟ ଭାବେ ସ୍ବାଗତ କରିଥିଲେ । ଉକ୍ତ କାର୍ଯ୍ୟକ୍ରମରେ ନଗର ବିଜେପି ସଭାପତି କେଦାର ନାଥ ମହାରଣା , ଭାବଗ୍ରାହୀ ମହାନ୍ତି , ରାମଚନ୍ଦ୍ର ବିଷୋୟୀ , ବୀରବିକ୍ରମାଦିତ୍ଯ ଆରୁଖ , ଗଙ୍ଗାଧର ନାୟକ , କାର୍ତ୍ତିକ ମଙ୍ଗଳ , କୃଷ୍ଣଚନ୍ଦ୍ର ମହାପାତ୍ର , ସନ୍ତୋଷ ବିଶ୍ବାଳ , ପଞ୍ଚାନନ ସାହୁ ପ୍ରମୁଖଙ୍କ ସମେତ ଅନ୍ୟାନ୍ୟ କର୍ମକର୍ତ୍ତା ଓ କର୍ମୀଗଣ ଉପସ୍ଥିତ ରହିଥିଲେ ଉପସ୍ଥିତ ରହିଥିଲେ ।