ଶିଶୁ ବାଟିକା ପକ୍ଷରୁ ‘ଘର ହିଁ ବିଦ୍ୟାଳୟ’ କାର୍ଯ୍ୟକ୍ରମ…

ବୁଗୁଡ଼ା : ତା ୨୮/୦୩/୨୪ : ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ପରିସରରେ ଶିଶୁ ବାଟିକା ପକ୍ଷରୁ “ଘର ହିଁ ବିଦ୍ୟାଳୟ ” କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପରିଚାଳନା ସମିତି ସମ୍ପାଦକ ରମେଶ ଚନ୍ଦ୍ର ଆଲଟିଆଙ୍କ ପୌରହିତ୍ୟରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଅତିଥି ଭାବେ ଭଞ୍ଜନଗର ସଙ୍କୁଳ ଶିଶୁ ବାଟିକା ପ୍ରମୁଖ ରଶ୍ମିତା ପଣ୍ଡା ଯୋଗ ଦେଇ ସମଗ୍ର ଶିକ୍ଷାରେ ପରିବାରର ଭୂମିକା ସମ୍ପର୍କେ ଆଲୋକପାତ କରିଥିଲେ । ପ୍ରଧାନାଚାର୍ଯ୍ଯ ଉତ୍ତମ କୁମାର ମହାରଣା ଅତିଥି ପରିଚୟ ପ୍ରଦାନ କରିଥିବା ବେଳେ ଶିଶୁ ବାଟିକା ପ୍ରମୁଖ ମମତା ସାହୁ କାର୍ଯ୍ୟକ୍ରମର ଉଦ୍ଦେଶ୍ୟ ଜ୍ଞାପନ କରିଥିଲେ । ଉକ୍ତ କାର୍ଯ୍ୟକ୍ରମରେ ପ୍ରାରମ୍ଭ ଓ ବୋଧ ଶ୍ରେଣୀ ଶିଶୁଙ୍କ ମାଆମାନେ ଉପସ୍ଥିତ ରହିଥିଲେ । ଏ ଅବସରରେ ଶିଶୁଙ୍କ ସୁଷମ ଖାଦ୍ୟ ଏବଂ ଶୈକ୍ଷିକ ଉପକରଣ ପ୍ରଦର୍ଶନୀ ଅନୁଷ୍ଠିତ ହୋଇଥିଲା । ଉକ୍ତକାର୍ଯ୍ୟକ୍ରମକୁ ଗୁରୁମା ସୁଜାତା ମହାପାତ୍ର , ଅର୍ଚ୍ଚନାମୟୀ ପାତ୍ର , ପ୍ରତିମା ସାହୁ , ପାପା ବିଷୋୟୀ ଓ ଟିକିନା ବେହେରା ପ୍ରମୁଖ ପରିଚାଳନା କରିଥିଲେ ।