ବୃକ୍ଷ ରୋପଣ କଲେ ସମାଜସେବୀ…

ବୋଲଗଡ , ବୋଲଗଡ ବ୍ଲକ ଅନ୍ତର୍ଗତ ସାଗରଗାଁ ଗ୍ରାମପଞ୍ଚାୟତ ଅଧିନସ୍ଥ ବେଣାଗାଡ଼ିଆ ସ୍ଥିତ ବନଦୁର୍ଗା ମନ୍ଦିର ପ୍ରାଙ୍ଗଣରେ ହରପ୍ରସାଦ ନାଥଙ୍କ ଆବାହକତ୍ୱରେ ଆଜି ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଯୋଗଦେଇଥିଲେ ବରିଷ୍ଠ ସମାଜସେବୀ ମନୋଜ କୁମାର ପ୍ରଧାନ l ଅଁଳା, ପିଜୁଳି, ଚମ୍ପା, ବାହାଡା, ହରିଡ଼ା, ନିମଆଦି ୫୦ ରୁ ଉର୍ଦ୍ଧ ଚାରାରୋପଣ କରାଯାଇଥିଲା। ତତସହିତ ସେହି ଗଛ ଗୁଡିକର ଛୋଟରୁ କିପରି ବଡହେବ ତାର ତଦାରଖ କରିବା ପାଇଁ ପୂଜାରୀ ଓ ସମାଜସେବୀ ଚିନ୍ତା ମଣି ମହାପାତ୍ର ଙ୍କ ହାତରେ ନ୍ୟସ୍ତ କରିଥିଲେ। ପାଟବନ୍ଧ, ବେଣାଗାଡ଼ିଆ, ଢ଼ୋଲପଥର ଆଦି ଗ୍ରାମରୁ ୫୦ ରୁ ଉର୍ଦ୍ଧଲୋକମାନେ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ l ବୋଲଗଡ – ବେଗୁନିଆ ନିର୍ବାଚନ ମଣ୍ଡଳୀକୁ ସରସ ସୁନ୍ଦର ତଥା ବିକାଶ କରିବା ପାଇଁ ସହଯୋଗ କରିବାକୁ ସମାଜସେବୀ ଶ୍ରୀ ପ୍ରଧାନ କହିଥିଲେ l ବୃକ୍ଷ ହିଁ ଜୀବନ ବୋଲି ମତବ୍ୟକ୍ତ କରି ସବୁଜ ବନାନୀରେ ଅଞ୍ଚଳକୁ ପରିଣତ କରିବାପାଇଁ ଶ୍ରୀ ପ୍ରଧାନ ସମସ୍ତ ଲୋକମାନଙ୍କୁ ଅନୁରୋଧ କରିଥିଲେ l

(ରିପୋର୍ଟ-ସୁଶାନ୍ତ କୁମାର ପ୍ରଧାନ।)