ଆଜିର ଖବର…
➡️୧-ଆସନ୍ତା ଫେବୃଆରୀ ୧୬ରୁ ଆରମ୍ଭ ହେବ +୨ ପରୀକ୍ଷା, ଏଥର ମୋଟ ପରୀକ୍ଷାର୍ଥୀଙ୍କ ସଂଖ୍ୟା ୩ଲକ୍ଷ ୮୬ହଜାର ୩୯୭ l ପରୀକ୍ଷାର ପ୍ରଥମ ଦିନ ବଜ୍ଞାନ ପରୀକ୍ଷା ରହିଛି ।
➡️୨-୭ମ ବାର୍ଷିକ ପରୀକ୍ଷା ପେ ଚର୍ଚ୍ଚାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଛାତ୍ରଛାତ୍ରୀଙ୍କୁ ଦେଲେ ପରାମର୍ଶ l ଏହି କାର୍ଯ୍ୟକ୍ରମ ପାଇଁ ରେକର୍ଡ ୨.୨୬ କୋଟି ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକଶିକ୍ଷୟିତ୍ରୀ ମାଇଗଭ୍ ୱେବ୍ସାଇଟ୍ ଜରିଆରେ ପଞ୍ଜୀକରଣ କରିଥିଲେ।
➡️୩-ଜାନୁଆରୀ ୧୬ ରୁ ଡିଭିଜନ ସ୍ତରରେ ଓ ଜାନୁଆରୀ ୨୪ରେ ଜିଲ୍ଲାସ୍ତରରେ ପାଣି ପଂଚାୟତ ପକ୍ଷ ପାଳନ ହେବା ପରେ ଆଜି ପାଣି ପଂଚାୟତ ପକ୍ଷ ପାଳନର ୩ ୟ ପର୍ଯ୍ୟାୟରେ ରାଜ୍ୟସ୍ତରୀୟ ସମାରୋହ ଅନୁଷ୍ଠିତ ହେବ । ଏଥିରେ ମାନ୍ୟବର ମୁଖ୍ୟମନ୍ତ୍ରୀ ମୁଖ୍ୟ ଅତିଥି ଭାବେ ଯୋଗ ଦେବେ l
➡️୪-ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଦିବ୍ୟ ଅନୁଭବ ପାଇଲେ ୫ ଜିଲ୍ଲାର ପ୍ରାୟ ୧୦ ହଜାର ଶ୍ରଦ୍ଧାଳୁ l ଗଞ୍ଜାମ, ମୟୁରଭଂଜ, ବାଲେଶ୍ବର, କଟକ ଓ କେନ୍ଦ୍ରାପଡା ଜିଲ୍ଲାର ୫୦୦ଟି ପଞ୍ଚାୟତ ଓ ୱାର୍ଡରୁ ଭକ୍ତମାନେ ଆସିଥିଲେ।
➡️୫-ଏବେ ବି ୪୧% ଭାରତୀୟ ରୋଷେଇ ପାଇଁ କାଠ ଓ ଘସି ଆଦିର ବ୍ୟବହାର କରୁଛନ୍ତି l ନିର୍ଗତ ହେଉଛି ୩୪୦ ମିଲିଅନ ଟନ୍ ଅଙ୍ଗାରକାମ୍ଳ l
➡️୬-ଓଡ଼ିଶାର ଖାଲି ପଡୁଥିବା ୩ ରାଜ୍ୟ ସଭା ଆସନ ପାଇଁ ଆସନ୍ତା ଫେବୃଆରୀ ୨୭ରେ ନିର୍ବାଚନ ଅନୁଷ୍ଠିତ ହେବ। ଏହି ନିର୍ବାଚନ ପାଇଁ ଫେବୃଆରୀ ୮ରେ ବିଜ୍ଞପ୍ତି ପ୍ରକାଶ ପାଇବ। ଫେବୃଆରୀ ୧୫ ନାମାଙ୍କନପତ୍ର ଦାଖଲର ଶେଷ ତାରିଖ ଧାର୍ଯ୍ୟ କରାଯାଇଛି।
➡️୭-ଚନ୍ଦକା-ଡମପଡ଼ା ବନ୍ୟପ୍ରାଣୀ ଅଭୟାରଣ୍ୟରେ ଆରମ୍ଭ ହେଲା ନାଇଟ୍ ସଫାରୀ l ଏଣିକି ରାତ୍ରୀ ୯ଟା ଯାଏଁ ଜଙ୍ଗଲ ବୁଲିପାରିବେ ପର୍ଯ୍ୟଟକ l
➡️୮-ବିଶ୍ୱର ପ୍ରଥମ ଶହେ ପ୍ରଦୂଷିତ ସହର ତାଲିକାରେ ୮୦ ନମ୍ବର ର୍ୟାଙ୍କରେ ରହିଲା ଭୁବନେଶ୍ୱର l ବିଶ୍ୱ ଏୟାର କ୍ୱାଲିଟି ଇନ୍ଡେକ୍ସରେ ଭୁବନେଶ୍ୱରର ସ୍ଥାନ ୮୦ରେ ରହିଛି ।
➡️୯-ଖୁବଶୀଘ୍ର ରାଜ୍ୟରେ ଆରମ୍ଭ ହେବ ନୂଆ ଯୋଜନା ‘LAVA’, ଉପକୃତ ହେବେ ଆଦିବାସୀ ମହିଳା l ରାଜ୍ୟ କ୍ୟାବିନେଟ୍ର ଗୁରୁତ୍ବପୂର୍ଣ୍ଣ ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେଲେ ମଞ୍ଜୁରୀ l ସେପଟେ ସମ୍ପୂର୍ଣ୍ଣ ପ୍ରତ୍ୟାହାର ହେଲା ଆଦିବାସୀଙ୍କ ଜମି ବିକ୍ରି ଅଧିନିୟମ l
➡️୧୦-କେନ୍ଦ୍ର ସରକାରଙ୍କ ବଡ଼ ପ୍ଲାନ୍: ଦେଶର ୩୦ଟି ସହର ହେବ ଭିକାରି ମୁକ୍ତ, ଲଞ୍ଚ ହେବ ଜାତୀୟ ପୋର୍ଟାଲ ଓ ମୋବାଇଲ ଆପ୍ l ୨୦୨୬ ମସିହା ସୁଦ୍ଧା ଏହି ଲକ୍ଷ୍ୟ ହାସଲ କରିବା ପାଇଁ କେନ୍ଦ୍ର ସରକାର ଲକ୍ଷ୍ୟ ରଖିଛନ୍ତି ।
➡️୧୧-ହନୁମାନଙ୍କ ପତାକା ଲଗାଇବାକୁ ନେଇ କର୍ଣ୍ଣାଟକର ମାଣ୍ଡ୍ୟା ଜିଲ୍ଲା କେରାଗୋଡୁ ଗାଁରେ ହେଲା ଉତ୍ତେଜନା, ଲାଗିଲା ଧାରା ୧୪୪ l
➡️୧୨-ଦିଲ୍ଲୀବାସୀଙ୍କୁ କେଜରିୱାଲ୍ଙ୍କ ଉପହାର, ମାସକୁ ୯୦୦ ରୋଜଗାର କର ଏବଂ ଶୂନ ଇଲେକ୍ଟ୍ରିକ୍ ବିଲ୍ର ମଜା ନିଅ l ଆଗାମୀ ୧୦ ଦିନ ଭିତରେ ଯୋଜନା ବିଷୟରେ ସମ୍ପୂର୍ଣ୍ଣ ବିବରଣୀ ପ୍ରଦାନ କରାଯିବ l
➡️୧୩-୧୦ ଘଣ୍ଟାର ଜେରା ପରେ ଇଡି ଅଫିସରୁ ବାହାରିଲେ ଆରଜେଡି ମୁଖ୍ୟ ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ l ଚାକିରି ପାଇଁ ଜମି ଦୁର୍ନୀତି ମାମଲାରେ ଲାଲୁଙ୍କ ଝିଅ ମିଶା ଭାରତୀ ମଧ୍ୟ ଇଡି ଅଫିସରେ ୧୦ ଘଣ୍ଟା କାଳ ଉପସ୍ଥିତ ରହିଥିଲେ।
➡️୧୪-ଏଣିକି ଏବେ ମେଡ୍ ଇନ୍ ଇଣ୍ଡିଆ ହେବ ସାମସଙ୍ଗ୍ ଲାପଟପ୍, ଚଳିତ ବର୍ଷରୁ ନୋଏଡା ଫ୍ୟାକ୍ଟ୍ରିରେ ହେବ ନିର୍ମାଣ l ଏନେଇ ସୂଚନା ଦେଲେ ସାମସଙ୍ଗ ଇଲେକ୍ଟ୍ରୋନିକ୍ସର ଅଧ୍ୟକ୍ଷ ତଥା ମୋବାଇଲ ଏକ୍ସପିରିଏନ୍ସ ବ୍ୟବସାୟର ମୁଖ୍ୟ ଟି.ଏମ.ରୋହ ।
➡️୧୫-ଏଣିକି ଉତ୍ତରାଖଣ୍ଡ ମଦ୍ରାସାରେ ପଢାଯିବ ରାମାୟଣ। ଏ ସମ୍ପର୍କରେ ନିଷ୍ପତ୍ତି ନେଲେ ଉତ୍ତରାଖଣ୍ଡ ୱକଫ ବୋର୍ଡ। ବୋର୍ଡ ଅଧ୍ୟକ୍ଷ ଶାଦବ ଶ୍ୟାମ କହିଛନ୍ତି ଯେ ବୋର୍ଡ ଅଧୀନରେ ଥିବା ୧୧୭ଟି ମଦ୍ରାସାରେ ଆମେ ପିଲାମାନଙ୍କୁ ସଂସ୍କୃତ ଶିକ୍ଷା ଦେବୁ ଏବଂ ପିଲାମାନଙ୍କୁ ରାମାୟଣର ଶିକ୍ଷା ମଧ୍ୟ ଦେବୁ ଯାହା ଦ୍ୱାରା ପିଲାମାନେ ସେମାନଙ୍କ ସଂସ୍କୃତି ସହିତ ଯୋଡି ହୋଇପାରିବେ।
➡️୧୬-ଆଦନ ଉପସାଗରର ପୂର୍ବ ଉପକୂଳରେ ଜଳଦସ୍ୟୁଙ୍କ କବଳରୁ ଇରାନ୍ ର ଜାହାଜକୁ ଉଦ୍ଧାର କଲା ଭାରତୀୟ ନୌସେନା l
➡️୧୭-ଆଫ୍ରିକା ମହାଦେଶର ସୁଦାନରେ ଏକ ବିଦ୍ରୋହୀ ଗୋଷ୍ଠୀ ଗ୍ରାମବାସୀଙ୍କ ଉପରକୁ ଆଖିବୁଜା ଗୁଳିମାଡ଼ କରିବା ଫଳରେ ୫୨ ଜଣଙ୍କର ହେଲା ମୃତ୍ୟୁ l
➡️୧୮-ପ୍ରଥମ ଟେଷ୍ଟରେ ହାରିଥିବା ଭାରତୀୟ କ୍ରିକେଟ୍ ଦଳ ପାଇଁ ସାମ୍ନାକୁ ଆସିଲା ଏକ ଖରାପ ଖବର l ଦ୍ବିତୀୟ ଟେଷ୍ଟରୁ ତାରକା ଅଲରାଉଣ୍ଡର ରବୀନ୍ଦ୍ର ଜାଡେଜା ଓ ମଧ୍ୟକ୍ରମ ବ୍ୟାଟ୍ସମ୍ୟାନ୍ କେଏଲ୍ ରାହୁଲ ବାଦ୍ ପଡିଲେ l
➡️୧୯-ଖେଲୋ ଇଣ୍ଡିଆ ୟୁଥ୍ ଗେମ୍ସ ୨୦୨୪ରେ ୬ ପଦକ ଜିତିଲେ ରିଲାଏନ୍ସ ଫାଉଣ୍ଡେସନ୍ର କ୍ରୀଡ଼ାବିତ୍ , ସାମଗ୍ରିକ ବାଳକ ଚମ୍ପିଆନ୍ସିପ୍ରେ ଓଡ଼ିଶା ଦଳ ହେଲା ଉପବିଜେତା l
➡️୨୦-କୋହଲି ମୋ ଉପରକୁ ଛେପ ପକାଇଥିଲେ; ଏଭଳି ଆରୋପ ଲଗାଇଲେ ଦକ୍ଷିଣ ଆଫ୍ରିକାର ପୂର୍ବତନ ଷ୍ଟାର କ୍ରିକେଟର ଡିନ ଏଲଗାର l
