ଜାତୀୟ ଟେବୁଲ୍ ଟେନିସ ଖେଳାଳି ଜିଜ୍ଞାସୁଙ୍କୁ ସମ୍ବର୍ଦ୍ଧିନା… 

                                                                                                                      ଜାତୀୟ ଟେବୁଲ୍ ଟେନିସ ପ୍ରତିଯୋଗିତାର ସବଜୁନିଅର ବିଭାଗରେ କାଂସ୍ୟ ପଦକ ପାଇ ଓଡ଼ିଶାକୁ ଗୌରାବମୟ କରିଥିବା ଜିଜ୍ଞାସୁ ସାଇକିରଣ ପ୍ରଧାନଙ୍କୁ ପୁରୀ ରେ ସ୍ବତନ୍ତ୍ର ସମ୍ବର୍ଦ୍ଧନା ଦିଆଯାଇଛି। ଗୁଣ୍ଡିଚା ବିହାର ଉନ୍ନୟନ ପରିଷଦ ସଭାଗୃହ ରେ କୃଷ୍ଣଚନ୍ଦ୍ର ଜେନାଙ୍କ ସଭାପତିତ୍ବରେ ଅନୁଷ୍ଠିତ ଉତ୍ସବ ରେ ବିଶିଷ୍ଟ ବଡିବିଲଡର ଅଶୋକ ମହାପାତ୍ର, ଶିକ୍ଷାବିତ୍ ରଞ୍ଜୁବାଳା ରାଉତ, ବିବେକାନନ୍ଦ ପ୍ରଧାନ, ପ୍ରଫେସର ପୂର୍ଣଚନ୍ଦ୍ର ମହାପାତ୍ର, ଆରତୀ ତ୍ରିପାଠୀ,ଶ୍ୟାମଲ କୁଣ୍ଡୁ,ଟେନିସ ତାରକା ଅଭିଜିତ ମହାନ୍ତି ଓ ବିଶ୍ଵଜିତ ମହାନ୍ତି ଅତିଥି ଭାବେ ଯୋଗଦେଇ, ଟେନିସ ଖେଳର ବିକାଶ ପାଇଁ ଉନ୍ନୟନ ପରିଷଦ ସମସ୍ତ ସହଯୋଗ ଦେବ ବୋଲି ଘୋଷଣା କରିଥିଲେ। ଟେବୁଲ୍ ଟେନିସ ସଂଘର ସଂପାଦକ ଡଃ ବିମଳ ପ୍ରସାଦ ମହାନ୍ତିଙ୍କ ପରିଚାଳନା ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ରୋଟାରୀ କ୍ଳବ୍,ରୋବର୍ସ କ୍ଲବ, ପୁରୀ ସେବା ସମିତି, ପୁରୀ ଜିଲ୍ଲା ଚେସ ଆସୋସିଏସନ୍, ଗୁଣ୍ଡିଚା ବିହାର ଉନ୍ନୟନ ପରିଷଦ ପ୍ରଭୃତି ଅନେକ ଅନୁଷ୍ଠାନ , ସରସ୍ବତୀ ମହାନ୍ତି, ସୁଲୋଚନା ମିଶ୍ର, ସୋନାଲି ମହାନ୍ତି ଜ୍ୟୋତିରାଣୀ ମହାନ୍ତି ରମେଶ ରଥ, ରବିନ୍ଦ୍ର ମିଶ୍ର ପ୍ରମୁଖ ଖେଳାଳୀ ପ୍ରଧାନଙ୍କୁ ସମ୍ବର୍ଦ୍ଧିତ କରିଥିଲେ।।
ପୁରୀରୁ ରମେଶ ସାହୁଙ୍କ ରିପୋର୍ଟ