ଓଡ୍ର ଖଣ୍ଡାୟତ କାଳଞ୍ଜି ସମାଜର ୩ୟ ବାର୍ଷିକ ସମ୍ମିଳନୀ…

                                                                                                                                                                                    ବୁଗୁଡ଼ା :  ଉଡ୍ର ଖଣ୍ଡାୟତ କାଳଞ୍ଜି ସମାଜ ବେତାରସିଂ ଅଞ୍ଚଳ ପରିଷଦର ତୃତୀୟ ବାର୍ଷିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ବେତାରସିଂ କାର୍ଯ୍ୟାଳୟ ପରିସରରେ ସଭାପତି ଗୌର ଚରଣ ପ୍ରଧାନଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ ସମ୍ମିଳନୀରେ ମୁଖ୍ୟ ଅତିଥି ଭାବେ ପୋଲସରା ବିଧାୟକ ଶ୍ରୀକାନ୍ତ ସାହୁ ଏବଂ ସମ୍ମାନିତ ଅତିଥି ଭାବେ ଆସିକା ସାଂସଦ ପ୍ରମିଳା ବିଷୋୟୀ ଯୋଗ ଦେଇଥିଲେ। ଏଥିରେ ଅଞ୍ଚଳ ଅନ୍ତର୍ଗତ ସମସ୍ତ ଗ୍ରାମ୍ଯ କମିଟି , ମଣ୍ଡଳ କମିଟି ଓ ଅଞ୍ଚଳ କମିଟିର କର୍ମକର୍ତ୍ତା , ଆସ୍କା ଅଞ୍ଚଳ କମିଟି ସମ୍ପାଦକ ଯୋଗେନ୍ଦ୍ର ନାଥ ପ୍ରଧାନ , ସଂଗଠନ ସମ୍ପାଦକ ପ୍ରମୋଦ କୁମାର ସ୍ବାଇଁ ପ୍ରମୁଖ ଯୋଗ ଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ । ଆଲୋଚନା କାଳରେ ସମାଜରେ ଯୌତୁକ ବିହୀନ ବାହାଘର, ସ୍ବଳ୍ପ ଖର୍ଚ୍ଚରେ ନିର୍ବନ୍ଧ ଓ ଶୁଦ୍ଧିକ୍ରିୟା ସମାପନ ପାଇଁ ମତ ପ୍ରକାଶ ପାଇଥିଲା । ଏଥି ସହ ନାରୀ ସୁରକ୍ଷା , ବୃଦ୍ଧ-ବୃଦ୍ଧାଙ୍କ ସୁରକ୍ଷା ବିଷୟରେ ଗୁରୁତ୍ୱାରୋପ କରାଯାଇଥିଲା ।ଏ ଅବସରରେ ନିର୍ମାଣାଧୀନ କାର୍ଯ୍ୟାଳୟର ପୂର୍ଣାଙ୍ଗ ନିମନ୍ତେ ବିଧାୟକ ଓ ସାଂସଦଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ଉକ୍ତ ସମ୍ମିଳନୀ ପରିଚାଳନାରେ ସମ୍ପାଦକ ଅମ୍ବିକା ପ୍ରସାଦ ବିଷୋୟୀ , ସଂଗଠକ ଯୋଗୀ ନାହାକ , ସଂଗଠନ ସମ୍ପାଦକ ଅନ୍ତର୍ଯ୍ୟାମୀ ସ୍ବାଇଁ , ଉପଦେଷ୍ଟା ଦଣ୍ଡପାଣି ପ୍ରଧାନ ଓ ଗନ୍ଧର୍ବସେନ ଭୂୟାଁ ପ୍ରମୁଖ ସହଯୋଗ କରିଥିଲେ ।