ଅବସରପ୍ରାପ୍ତ କ୍ରୀଡା ଶିକ୍ଷକଙ୍କ ପରଲୋକ 

ବୁଗୁଡ଼ା : ତା ୦୪/୦୨/୨୩ :ବୁଗୁଡ଼ା ଅଞ୍ଚଳର ଜଣାଶୁଣା ଅବସରପ୍ରାପ୍ତ କ୍ରୀଡା ଶିକ୍ଷକ ଦାମୋଦର ଦାଶ(୬୧ )ଙ୍କ ଦେହାନ୍ତରେ ଶୋକର ଛାୟା ଖେଳିଯାଇଛି l ଗତ ଶୁକ୍ରବାର ରାତି ପ୍ରାୟ ୯ଟା ସମୟରେ ତାଙ୍କର ବିୟୋଗ ଘଟି ଥିଲା l ସେ ବାଲିପଦର ଆଞ୍ଚଳିକ କଲେଜରେ କ୍ରୀଡା ଶିକ୍ଷକ ଭାବେ କାର୍ଯ୍ୟ କରି ୬ ମାସ ତଳେ ଅବସର ଗ୍ରହଣ କରିଥିଲେ l କିଛି ମାସ ହେଲା ସେ ଲିଭର କ୍ୟାନ୍ସର ରୋଗରେ ପୀଡିତ ହୋଇ ବିଶାଖାପାଟଣାରେ ଚିକିତ୍ସା କରାଇଥିଲେ l ମୃତ୍ୟୁ ଶଯ୍ୟା ନିକଟରେ ତାଙ୍କର ପତ୍ନୀ ଓ ଏକମାତ୍ର ପୁତ୍ର ଉପସ୍ଥିତ ଥିଲେ l ତାଙ୍କର ଅନ୍ତେଷ୍ଟି କ୍ରିୟା ପୁରୀ ସ୍ୱର୍ଗଦ୍ୱାର ଠାରେ ଶନିବାର ସକାଳେ ସମ୍ପନ୍ନ ହୋଇଛି l ସେ କ୍ରୀଡା ଶିକ୍ଷକ ସହ ପୁରୋହିତ କାର୍ଯ୍ୟ ମଧ୍ୟ କରୁଥିଲେ l ତାଙ୍କର ପୈତୃକ ଗ୍ରାମ ବୁଗୁଡ଼ା ନିକଟସ୍ଥ ହରିଶରଣପୁର ଶାସନ ସମେତ ଅଞ୍ଚଳରେ ଶୋକର ଛାୟା ଖେଳି ଯାଇଛି l