ବୁଗୁଡ଼ା ଏନଏସି ପକ୍ଷରୁ ସ୍ବାୟତ୍ତ ଶାସନ ଦିବସ ପାଳିତ
ବୁଗୁଡ଼ା ଏନଏସି ପକ୍ଷରୁ ସ୍ବାୟତ୍ତ ଶାସନ ଦିବସ ପାଳିତ
ବୁଗୁଡ଼ା : ତା ୩୧/୦୮/୨୩ : ବୁଗୁଡ଼ା ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ସ୍ବାୟତ୍ତ ଶାସନ ଦିବସ ପାଳିତ ହୋଇଯାଇଛି । ଉକ୍ତ ଦିବସ ଅବସରରେ ରାମଧୁନ୍ ସହ ପ୍ରଭାତ ଫେରି ସାଙ୍ଗକୁ ପୂର୍ବାହ୍ନରେ କାର୍ଯ୍ୟାଳୟ ପରିସରରେ ଅଧ୍ଯକ୍ଷ ଚିତ୍ରସେନ ପ୍ରଧାନଙ୍କ ଦ୍ଵାରା ଜାତୀୟ ପତାକା ଉତ୍ତୋଳନ କରାଯାଇଥିଲା ବେଳେ ଏଠାରେ ଉପାଧ୍ୟକ୍ଷା ଗୀତାଞ୍ଜଳି ପାଢ଼ୀଙ୍କ ସମେତ କାଉନସିଲରବୃନ୍ଦ , କର୍ମଚାରୀଗଣ ଏବଂ ଜନସାଧାରଣ ଉପସ୍ଥିତ ରହିଥିଲେ । ଏହା ପରେ କାର୍ଯନିର୍ବାହୀ ଅଧିକାରୀ ରଶ୍ମି ରଞ୍ଜନ ଦାସ ଓ ଅଧ୍ଯକ୍ଷଙ୍କ ସମେତ କାଉନସିଲରମାନେ ବିଜୁବାବୁ ଏବଂ ମଦନ ମୋହନ ପାଣିଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ସହ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚି ରୋଗୀଙ୍କୁ ଫଳ ବଣ୍ଟନ କରିଥିଲେ । ଏଥି ସହ ପୋଲସରା ବିଧାୟକ ଶ୍ରୀକାନ୍ତ ସାହୁଙ୍କ ଦ୍ୱାରା ଅପରାହ୍ନରେ ବଡଶଙ୍ଖ ନିକଟସ୍ଥ ବିରଞ୍ଚି ନାରାୟଣ ପାର୍କ, ଓ୍ବାର୍ଡ ନଂ-୧୦ର ମିଶନ ଶକ୍ତି ଗୃହ ଓ ଅଙ୍ଗନୱାଡି ଗୃହ ଏବଂ ଓ୍ବାର୍ଡ ନଂ-୪ର ମିଶନ ଶକ୍ତି ଗୃହ ଓ ଅଙ୍ଗନୱାଡି ଗୃହ ଆଦିର ଉଦଘାଟନ ସାଙ୍ଗକୁ ଏନ୍ଏସିର ନୂତନ କୋଠା ପାଇଁ ଭିତ୍ତି ପ୍ରସ୍ତର ସ୍ଥାପନ କରାଯାଇଥିଲା।
