ବୁଗୁଡ଼ାଞ୍ଚଳରେ ଶିକ୍ଷା ସଚେତନତା ରଥ ପରିକ୍ରମା

ବୁଗୁଡ଼ାଞ୍ଚଳରେ ଶିକ୍ଷା ସଚେତନତା ରଥ ପରିକ୍ରମା
ବୁଗୁଡ଼ା : ତା ୧୮/୦୮/୨୩ : ରାଜ୍ୟ ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ , ଓଡ଼ିଶା ବିଦ୍ଯାଳୟ ଶିକ୍ଷା ପ୍ରାଧୀକରଣ କର୍ତ୍ତୃପକ୍ଷ , ଜିଲ୍ଲା ସମଗ୍ର ଶିକ୍ଷାର ପରାମର୍ଶ କ୍ରମେ ବୁଗୁଡ଼ା ଗୋଷ୍ଠୀ ଶିକ୍ଷାଧିକାରୀ ଚିନ୍ମୟ ମହାପାତ୍ରଙ୍କ ପ୍ରତ୍ଯେକ୍ଷ ତତ୍ତ୍ବାବଧାନରେ ଶିକ୍ଷା ସଚତେନତା ରଥ ପରିକ୍ରମା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅଧାରୁ ପାଠ ଛାଡୁଥିବା ପିଲାଙ୍କ ମନରେ ଶିକ୍ଷା ପ୍ରତି ଆଗ୍ରହ ସୃଷ୍ଟି କରିବା ଲକ୍ଷ୍ୟରେ ଶିକ୍ଷା ସଚେତନତା ରଥ ସ୍ଥାନୀୟ ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯାଳୟରୁ ବାହାରିଥିଲା । ଏହି ଶିକ୍ଷା ସଚେତନତା ରଥ ବିଇଓ କାର୍ଯାଳୟ ଅଧିନସ୍ଥ ବୁଗୁଡ଼ା ଏନଏସି ଓ ବ୍ଲକର ବିଭିନ୍ନ ବିଦ୍ୟାଳୟ ସାଙ୍ଗକୁ ଅନେକ ଗ୍ରାମରେ ପରିକ୍ରମା କରିଥିଲା । ପରିକ୍ରମା କାଳରେ ପାଠ ଛାଡିଥିବା ପିଲାଙ୍କୁ ପୁଣି ବିଦ୍ଯାଳୟକୁ ଫେରାଇ ଆଣିବା ଏବଂ ପିଲାମାନେ ଯେପରି ଅଧାରୁ ପଢା ନ ଛାଡନ୍ତି ସେନେଇ ଜନସଚେତନତା ସୃଷ୍ଟି କରିଥିଲେ । ଉକ୍ତ ଶିକ୍ଷା ସଚେତନତା ରଥ ପରିକ୍ରମା କାର୍ଯ୍ୟକ୍ରମକୁ ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ସିମାଞ୍ଚଳ ସେଠୀ ଏବଂ ଆଞ୍ଚଳିକ ସାଧନ କେନ୍ଦ୍ର ସଂଯୋଜକମାନେ ପରିଚାଳନା କରିଥିଲେ ।