ବିଡ଼ିଓଙ୍କ ଜରୀଆରେ ଜିଲ୍ଲାପାଳଙ୍କୁ ପିଇଓଙ୍କ ସ୍ମାରକ ପତ୍ର ପ୍ରଦାନ, ଦାବୀ ପୂରଣ ନହେଲେ ସମୂହ ଛୁଟି ଚେତାବନୀ-

ବିଡ଼ିଓଙ୍କ ଜରୀଆରେ ଜିଲ୍ଲାପାଳଙ୍କୁ ପିଇଓଙ୍କ ସ୍ମାରକ ପତ୍ର ପ୍ରଦାନ, ଦାବୀ ପୂରଣ ନହେଲେ ସମୂହ ଛୁଟି ଚେତାବନୀ-——–

ମୋହନା:——ଗଜପତି ଜିଲ୍ଲା ମୋହନା ବ୍ଲକ ନିଖିଳ ଉତ୍କଳ ପଞ୍ଚାୟତ ନିର୍ବାହୀ ଅଧିକାରୀ (ପିଇଓ) ସଙ୍ଘ ପକ୍ଷରୁ ବିଭିନ୍ନ ଦାବିନେଇ ଜିଲ୍ଲାପାଳଙ୍କ ଉଦ୍ଦେଶ୍ୟରେ ବିଡ଼ିଓ ତପସ୍ୱିନୀ ହାଁସଦାଙ୍କୁ ଏକ ସ୍ୱାରକ ପତ୍ର ପ୍ରଦାନ କରିଛନ୍ତି। ଯଦି ସେମାନଙ୍କର ନ୍ୟାର୍ଯ୍ୟ ଦାବୀ ପୂରଣ ନହୁଏ ତେବେ ବ୍ଲକର କାର୍ଯ୍ୟରତ ସମସ୍ତ ପିଇଓ ଚଳିତ ମାସ ଅଗଷ୍ଟ ୭ରୁ ୧୭ ତାରିଖ ପର୍ଯ୍ୟନ୍ତ କଳାବ୍ୟାଜ ପରିଧାନ ଏବଂ ୧୮ରୁ ସମୂହ ଛୁଟି ନେବେ ବୋଲି ଚେତାବନୀ ଦେବା ସହ ଆନ୍ଦୋଳନ କରିବେ ବୋଲି ସଙ୍ଘ ପକ୍ଷରୁ କୁହାଯାଇଛି। ପିଇଓ ମାନଙ୍କ ଶିକ୍ଷାଗତ ଯୋଗ୍ୟତା +୨ ଓ ପେ ଲେବେଲ ୫ ଥିବା ଅଧିକାରୀମାନଙ୍କ ଦରମା ୨୧ ହଜାର ୭ ଶହ ଏବଂ +୩ ଶିକ୍ଷାଗତ ଯୋଗ୍ୟତା ଥିବା ପେ ଲେବେଲ ୯ ଅଧିକାରୀଙ୍କ ଦରମା ୩୫ ହଜାର ୪ଶହ ଟଙ୍କା ମଞ୍ଜୁର କରିବା ପାଇଁ ଦାବି କରିଛନ୍ତିି। ଏହା ବ୍ୟତୀତ ୧୦ ବର୍ଷ ଚାକିରୀ କରୁଥିବା ପିଇଓ ମାନଙ୍କୁ ଜିପିଡିଓ ପଡ଼ବୀକୁ ପଦୋନ୍ନତି ଦେବା ବ୍ୟବସ୍ଥା କରିବା ଓ ପିଆରଏସ କ୍ୟାଡରରେ ଅନ୍ତର୍ଭୁକ୍ତ କରିବା ପାଇଁ ଦାବି ସମୂହ ଉଲେଖ ରହିଛି। ଏହି ସ୍ମାରକ ପତ୍ର ପ୍ରଦାନ ସମୟରେ ବ୍ଲକ ସଭାପତି ଖଗେଶ୍ୱର ଭୂୟାଁ, ଜିଲ୍ଲା ସହ ସମ୍ପାଦକ ରବି କୁମାର ପାତ୍ର, ଜିଲ୍ଲାର ବ୍ଲକ ସଂଯୋଜକ ବୀଣା ଗମାଙ୍ଗ, ବ୍ଲକ ସମ୍ପାଦକ ରଜତ କୁମାର ନାୟକ, କୋଷାଧ୍ଯକ୍ଷ କୁନୁରୁ ସିମାଞ୍ଚଳଙ୍କ ସମେତ ବ୍ଲକର ସମସ୍ତ ପିଇଓ ଉପସ୍ଥିତ ଥିଲେ l