ମହାପ୍ରଭୁଙ୍କ ସ୍ନାନ ପାଇଁ ନୂତନ କୂଅ ପ୍ରତିଷ୍ଠା

ମହାପ୍ରଭୁଙ୍କ ସ୍ନାନ ପାଇଁ ନୂତନ କୂଅ ପ୍ରତିଷ୍ଠା

ଉଲୁଣ୍ଡା – ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ସ୍ଥିତ ପାତାଳି ଶ୍ରୀକ୍ଷେତ୍ର ଠାରେ ମହାପ୍ରଭୁଙ୍କ ସ୍ନାନ ପାଇଁ ଏକ ନୂତନ କୂଅ ପ୍ରତିଷ୍ଠା ହୋଇଯାଇଛି l ଆସନ୍ତା ଜୁନ 4 ତାରିଖରେ ଦେବସ୍ନାନ ପୂର୍ଣ୍ଣିମାରେ ମହାପ୍ରଭୁଙ୍କ ସ୍ନାନଯାତ୍ରା ହେଉଥିବାବେଳେ ପୂର୍ବବର୍ଷ ମହାନଦୀ ଜଳ ରେ ମହାପ୍ରଭୁଙ୍କୁ ସ୍ନାନ କରାଯାଉଥିଲା l ଚଳିତ ବର୍ଷ ମହାପ୍ରଭୁଙ୍କ ସ୍ନାନ ପାଇଁ ଏକ ନୂତନ କୂଅ ଖୋଳାଯାଇ ଆଜି ଏହାର ପ୍ରତିଷ୍ଠା କାର୍ଯ୍ୟ ଅନୁଷ୍ଠିତ ହୋଇଯାଇଛି l ଏଥିରେ ପଣ୍ଡିତ ଦେବାର୍ଚ୍ଚନ ଦାସ,ବଦ୍ରିନାରାୟଣ ଶତପଥୀ ଏବଂ ଚିତ୍ତରଞ୍ଜନ ପାଢୀ ପୂଜାକାର୍ଯ୍ୟ ସମ୍ପାଦନ କରିଥିବାବେଳେ ଚମରା ଅମାତ କର୍ତା ଦାୟିତ୍ୱ ତୁଲାଇଥିଲେ l ଅନ୍ୟମାନଙ୍କ ମଧ୍ୟରେ ଟ୍ରଷ୍ଟ ସଦସ୍ୟ ପୂର୍ଣ୍ଣଚନ୍ଦ୍ର ପାଢୀ, ଜଗଦୀଶ କର୍ଣ୍ଣ,ମହାଦେବ ସାହୁ, ନଳିନୀକାନ୍ତ ବାଘ ପ୍ରମୁଖଙ୍କ ସମେତ ବହୁ ଶ୍ରଦ୍ଧାଲୁମାନେ ଉପସ୍ଥିତ ଥିଲେ l