ସ୍ଵାଧୀନତା ଦିବସ-2023 ଉପଲକ୍ଷେ ପ୍ରସ୍ତୁତି ବୈଠକ ।
ଭୁବନେଶ୍ୱର :(ସମୀର ରଞ୍ଜନ ନାୟକ) ଖୋର୍ଦ୍ଧା:ଆଜି ଅପରାହ୍ନ 3.00ଟା ରେ ଜିଲ୍ଲାପାଳଙ୍କ
ସମ୍ମିଳନୀ କକ୍ଷରେ ଜିଲ୍ଲାପାଳ କେ ସୁଦର୍ଶନ ଚକ୍ର ବର୍ତ୍ତୀଙ୍କ ଅଧ୍ୟକ୍ଷତାରେ ସ୍ଵାଧୀନତା ଦିବସ-2023 ଉପଲକ୍ଷେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଅତିରିକ୍ତ ଜିଲ୍ଲାପାଳ ସାଫଲ୍ୟ ମଣ୍ଡିତ ପ୍ରଧାନ ସ୍ବାଗତ ଭାଷଣ ରଖିବା ସଙ୍ଗେ ସଙ୍ଗେ 2022ଵର୍ଷରେ ପ୍ରସ୍ତୁତ ବୈଠକ ବିବରଣୀ ପାଠ କରି ଜିଲ୍ଲାପାଳଙ୍କ ଅନୁମତି କ୍ରମେ ସମସ୍ତ ଙ୍କ ମତାମତ ଲୋଡିଥିଲେ ।
ପ୍ରଥମେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀଙ୍କୁ ତାଙ୍କ କାର୍ଯ୍ୟାଳୟ ତରଫରୁ ଅଗଷ୍ଟ -15 ତାରିଖ ଦିନ 4.30 ମିନିଟ ସମୟରେ ରାମଧୁନ ଗାନ କରାଯିବା ସଙ୍ଗେସଙ୍ଗେ ପଡ଼ିଆରେ ମାଇକ ର ସୁବ୍ୟବସ୍ଥା ପାଇଁ ଡି.ଜି ର ସ଼ଯୋଗ କରିବା କୁ ଓ ଭଲ ଫଟୋ ଉତ୍ତୋଳନ କରିବା ପାଇଁ ପରାମର୍ଶ ଦେଇଥିଲେ।
ସେହିପରି ସକାଳ 7.00ଟା ରେ ପ୍ରତିମୂର୍ତ୍ତି ମାନଙ୍କରେ ମାଲ୍ୟାର୍ପଣ କରିବାକୁ ପୌରପରିଷଦ ଏବଂ ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟ ମାନଙ୍କରେ ସକାଳ 7.30ମିନିଟ ସୁଦ୍ଧା ପତାକା ଉତ୍ତୋଳନ କରିବା କୁ ବୈଠକ ରେ ସ୍ଥିର କରାଗଲା। ସମସ୍ତ ବିଭାଗୀୟ ଅଧିକାରୀ ମାନଙ୍କୁ ସୁଚାରୁରୂପେ ସେମାନଙ୍କ ଦାୟିତ୍ଵ ନିର୍ବାହ କରିବାକୁ ବୈଠକ ରେ ସ୍ଥିର କରାଯାଇଥିଲା ।
ଷ୍ଟେଟ ବୋର୍ଡ଼ ଟପର 10th ଏଵଂ 12th ର ଛାତ୍ରୀ ଛାତ୍ର ଙ୍କୁ ପୁରସ୍କୃତ କରାଯିବାକୁ, ସମସ୍ତ ଲାଇନ ଡିପାର୍ଟମେଣ୍ଟ ରୁ ସର୍ବୋତ୍ତମ ଜଣଙ୍କୁ ଏବଂ ଫାୟାର ଅଫିସର ସ୍ବତନ୍ତ୍ର ଦଳ ଯିଏ କି ବାହାନଗା ରେଳ ଦୁର୍ଘଟଣା ରେ କାର୍ଯ୍ୟରତ ରହି ସାହାଯ୍ୟ ସହଯୋଗ ଯୋଗାଇ ଦେଇଛନ୍ତି ସେମାନଙ୍କୁ ପୁରସ୍କୃତ କରାଯିବା କୁ ସ୍ଥିର କରାଯାଇଛି ।
ବିଭିନ୍ନ ଲାଇନ ଵିଭାଗର କାର୍ଯ୍ୟାଳୟ ତରଫରୁ ପ୍ରଜ୍ଞାପନ ମେଢ଼ ପ୍ରଦର୍ଶନ, ଏବଂ ଟ୍ରାଫିକ ଛକରେ ଷ୍ଟ୍ରିଟ ପ୍ଲେ ପ୍ରଦର୍ଶନ କରାଯିବା କୁ ବୈଠକରେ ସ୍ଥିର କରାଯାଇଛି।
ଏହି ବୈଠକରେ ଆରକ୍ଷୀ ଅଧିକ୍ଷକ, ସିଦ୍ଧାର୍ଥ କାଟାରିଆ, ଜିଲ୍ଲା ପରିଷଦ ଅଧ୍ୟକ୍ଷା ରୁପଶ୍ରୀ ରାଣୀ ଗୁମାନ ସିଂହ, ପୌର ପରିଷଦ ଅଧ୍ୟକ୍ଷା କନକ ଲକ୍ଷ୍ମୀ ମହାନ୍ତି,ଉପ-ଜିଲ୍ଲାପାଳ ଦୀପ୍ତି ରଞ୍ଜନ ସେଠୀ, କାର୍ଯ୍ୟ ନିର୍ବାହୀ ଅଧିକାରୀ , ପୌର ପରିଷଦ ରିଜ୍ବାନା ମାଡାମ, ଜିଲ୍ଲା ସମାଜ କଲ୍ୟାଣ ଅଧିକାରୀ, ପୁଷ୍ପାଞ୍ଜଳୀ ମିଶ୍ର ପ୍ରମୁଖ ଯୋଗ ଦେଇଥିଲେ ।
ଶେଷରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଜ୍ୟୋତ୍ସାମୟୀ ଆଚାର୍ଯ୍ୟ ଜିଲ୍ଲାପାଳଙ୍କ ଅନୁମତି କ୍ରମେ ସମସ୍ତ ଙ୍କୁ ଧନ୍ୟବାଦ ଦେଲାପରେ ସଭା ସାଙ୍ଗ କରିଥିଲେ ।
